ევროპარლამენტმა ნავალნის დაკავებასთან დაკავშირებით რუსეთის წინააღმდეგ რეზოლუცია მიიღო
1611254326
ევროპარლამენტმა ალექსეი ნავალნის დაკავების გამო რეზოლუცია მიიღო, რომლითაც ევროკავშირს რუსეთის წინააღმდეგ სანქციების გაძლიერებისკენ და „ჩრდილოეთის ნაკადი 2“- ის შეჩერებისკენ მოუწოდა.
რეზოლუციის დოკუმენტს მხარი 581-მა დეპუტატმა დაუჭირა, 50 წინააღმდეგი იყო, 44-მა კი თავი შეიკავა.
„ევროპარლამენტი მოუწოდებს ევროკავშირს და წევრ სახელმწიფოებს კრიტიკულად განიხილონ რუსეთთან თანამშრომლობა საგარეო პოლიტიკის სხვადასხვა პლატფორმაზე”, - ნათქვამია დოკუმენტში.
რეზოლუციაში ასევე ხაზგასმულია, რომ სანქციები უნდა დაწესდეს „ფიზიკური და იურიდიული პირების მიმართ, რომლებიც ალექსეი ნავალნის დაპატიმრებასა და თავისუფლების აღკვეთაში მონაწილეობდნენ“.
👉 ინფორმაციისთვის, ალექსეი ნავალნი 17 იანვარს მოსკოვში, შერემეტოვოს აეროპორტში დააკავეს.
👉 რუსეთში ალექსეი ნავალნი ძებნილია ფედერალური სასჯელაღსრულების სამსახურის მიერ.
👉 დეპარტამენტი მიიჩნევს, რომ ოპოზიციონერმა დაარღვია პირობითის წესი „ივ როშერის საქმეში“, რომ არ დარეგისტრირდა რუსულ ინსპექციაში, გერმანიის კლინიკიდან გაწერის შემდეგ.
👉 ნავალნის გათავისუფლებისკენ რუსეთს აშშ-ის სახელმწიფო დეპარტამენტმა, ევროსაბჭოს ხელმძღვანელმა ჩარლზ მიშელმა და ევროპის რამდენიმე ქვეყნის საგარეო საქმეთა მინისტრებმა მოუწოდეს.
