ილონ მასკმა ნახშირორჟანგის შეგროვების საუკეთესო ტექნოლოგიის შემუშავებისათვის ჯილდოდ 100 მილიონი დოლარი დააწესა.
ამის შესახებ განცხადება SpaceX-ის და Tesla-ს დამფუძნებელმა საკუთარ ტვიტერის გვერდზე გამოაქვეყნა.
მისივე თქმით, დამატებითი დეტალები მომდევნო კვირაში გახდება ცნობილი.
მეცნიერები გლობალური დათბობის ერთ-ერთ უმთავრეს მიზეზად ატმოსფეროში ნახშირორჟანგის კონცენტრაციის მკვეთრ ზრდას ასახელებენ. დღემდე CO2-ის გამოყოფის შემცირებაზე ორიენტირებული ტექნოლოგიები მინიმალურად ვითარდება.