ინდონეზიის სამხედრო-საზღვაო ფლოტის წყალქვეშა ნავთან კავშირი დაიკარგა. ამის შესახებ BBC იუწყება.
ამ ინფორმაციის მიხედვით, სუბმარინის ბორტზე 53 ადამიანი იმყოფებოდა. ბოლო კავშირის დროს ის კუნძულ ბალის ჩრდილოეთით იმყოფებოდა.
წყალქვეშა ნავის KRI Nanggala-402-ის სამძებრო სამუშაოებში უკვე ჩაერთო სამაშველო გემები. სუბმარინა გერმანული წარმოებისაა. ეს ხუთიდან ერთ-ერთი წყალქვეშა ნავია, რომელიც ინდონეზიის შეიარაღებულ ძალებს გააჩნია.
ეს ინდონეზიის წყალქვეშა ნავის გაუჩინარების პირველი შემთხვევაა. ამ დროისთვის მისი ბედი უცნობია.