აშშ-ის სახელმწიფო მდივნის, მაიკ პომპეოს სასწრაფო ვიზიტი რეგიონში, სამმხრივი შეხვედრა საუდის არაბეთში და ისრაელის პრემიერ-მინისტრის, ბენიამინ ნეთანიაჰუს განცხადებები, სამწუხაროდ კულმინაციით დასრულდა . - ამის შესახებ ირანის საგარეო საქმეთა მინისტრმა მოჰამად ჯავად ზარიფმა განაცხადა.
მისი თქმით, ისრაელს, აშშ-სა და საუდის არაბეთს შორის შეთქმულება ბირთვული ფიზიკოსის მკვლელობით დასრულდა.
„ტერორისტული აქტის პარალელურად, დაიწყო კონტრდაზვერვითი კამპანია და ფსიქოლოგიური ომი, რომელსაც დემონური ღერძი ხელმძღვანელობს, მათ სურთ გამოიყენონ დონალდ ტრამპის ბოლო დღეები“ - განაცხადა საგარეო საქმეთა მინისტრმა.
ინფორმაციისთვის, ირანის დედაქალაქ თეირანის მახლობლად ტერაქტის შედეგად ცნობილი ფიზიკოსი მოჰსენ ფაჰრიზადე მოკლეს. ფაჰრიზადე იმამ ჰუსეინის სახელობის უნივერსიტეტში ატომური ფიზიკის პროფესორი იყო.
⚫ ირანის საგარეო საქმეთა მინისტრმა ჯავად ზარიფმა მომხდარს „სახელმწიფო ტერორიზმის აქტი“ უწოდა.
⚫ ირანის სულიერი ლიდერის აიათოლა ჰამენეის მრჩეველმა კი ტერაქტში პირდაპირ ისრაელი დაადანაშაულა.
⚫ ირანის პრეზიდენტმა ჰასაჰ რუჰანიმ ბირთვული ფიზიკის ცნობილი სპეციალისტის მოჰსენ ფაჰრიზადეს მკვლელობაში პირდაპირ ისრაელი დაადანაშაულა.