ჯო ბაიდენი: ჩვენი ისტორია არის მუდმივი ბრძოლა
1611162939
ამერიკის 46-ე პრეზიდენტმა ჯო ბაიდენმა, ფიცის დადების შემდეგ მოსახლეობას მიმართა.
„ეს არის ამერიკის დღე. ეს არის დემოკრატიის დღე. ისტორიისა და იმედის დღე. საუკუნეების მანძილზე ამერიკა გამოიცადა და ის ძლიერი ქვეყანა გამოვიდა. დღეს ჩვენ ვზეიმობთ არა კანდიდატის გამარჯვებას, არამედ დემოკრატიას.
ახლა, ამ წმინდა ადგილზე, სადაც რამდენიმე დღის წინ ძალადობა ცდილობდა კაპიტოლიუმის შერყევას, ჩვენ ერთად უნდა შეგვეძლოს ძალაუფლების მშვიდობიანი გადაცემა. ჩვენ უნდა პატივი ვცეთ ჩვენს კონსტიტუციას და დავიცვათ ჩვენი ერი.
ამერიკა ითხოვს გაცილებით უფრო მეტს ვიდრე სიტყვებია. ამერიკის გასაერთიანებლად, ყველას ვთხოვ რომ შემომიერთდეს ამ საქმეში. ჩვენი ისტორია არის მუდმივი ბრძოლა. დღეს ამ დროს, ამ ადგილას დავიწყოთ ერთად თავიდან. ყველა შეუთანხმებლობა არ უნდა იყოს ომის მიზეზი.
ჩვენ მსოფლიო გვიყურებს, ჩემი გზავნილია, რომ მალე უფრო ძლიერები ვიქნებით. ძლიერი და სანდო პარტნიორი ვიქნებით მშვიდობისა და უსაფრთხოებისათვის.
აქ 108 წლის წინ ათასობით მომიტინგე ცდილობდა ქალებს ხმის მიცემის უფლება მოეპოვებინა. ახლა კი ჩვენ აღვნიშნავთ პირველი ქალის ფიცს ამერიკის ისტორიაში, რომელიც არჩეულ იქნა ვიცე-პრეზიდენტად. ნუ მეტყვით, რომ ყველაფერი ვერ შეიცვლება.“
“ვფიცავ, რომ პირნათლად შევასრულებ ამერიკის შეერთებული შტატების პრეზიდენტის მოვალეობას და გავაკეთებ ყველაფერს, რაც შემეძლება, რომ შევინარჩუნო, გავუფრთხილდე და დავიცვა ამერიკის კონსტიტუცია” - ამ სიტყვების წარმოთქმის შემდეგ, ჯო ბაიდენი ამერიკის 46-ე პრეზიდენტი ოფიციალურად გახდა.
ფიცის უზენაესი სასამართლოს თავმჯდომარემ - მოსამართლე ჯონ რობერთსმა დაადებინა. ბაიდენმა ხელი უკვე მესამედ ბაიდენების ოჯახის საგვარეულო ბიბლიას დაადო, რომელსაც მისი მეუღლე, ჯილ ბაიდენი იჭერდა.
იხილეთ აგრეთვე:
📍ოფიციალურად! ჯო ბაიდენი ამერიკის პრეზიდენტია
