ქაბულში სკოლის მიმდებარედ აფეთქებების შედეგად 60-ზე მეტი ადამიანი დაიღუპა. აფეთქება იმ დროს მოხდა, როდესაც მოსწავლეები შენობას ტოვებდნენ. ინფორმაციას BBC ავრცელებს.
ამჟამად ტრაგედიის შედეგად დაღუპულებს ახლობლები სამგლოვიარო წესს უგებენ.
არსებული ინფორმაციით, სამი ასაფეთქებელი მოწყობილობიდან ერთ-ერთი ავტომობილში იყო დამონტაჟებული. დაღუპულთა უმეტესობას გოგონები შეადგენენ.
„დავინახე ქალი, რომელიც ცხედრებს შორის დადიოდა და საკუთარ ქალიშვილს ეძებდა. მან შვილის სისხლიანი ჩანთა იპოვა და გონებადაკარგული მიწაზე დაეცა“ - იხსენებს ერთ-ერთი თვითმხილველი.
მთავრობა მომხდარს „თალიბანს“ უკავშირებს, თუმცა აღნიშნული დაჯგუფება თავდასხმაში მონაწილეობას უარყოფს.