უცხოეთი

კოვიდ-19 საქართველო: რატომ იყო ინფექციის გავრცელების დაბალი მაჩვენებელი - გერმანული გამოცემა FAIReconomics ეკატერინე ტიკარაძესთან ინტერვიუს აქვეყნებს

ეკატერინე ტიკარაძე
შეხვედრაზე
1594629524
დაკოპირებულია

„კოვიდ -19 საქართველო: რატომ იყო ინფექციის გავრცელების დაბალი მაჩვენებელი“ - ამ სათაურით გერმანული გამოცემა FAIReconomics საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძესთან ვრცელ ინტერვიუს აქვეყნებს.

როგორც გამოცემა წერს, ივლისის დასაწყისის მონაცემებით, საქართველოში კორონავირუსის 968 შემთხვევაა დადასტურებული და მხოლოდ 15 გარდაცვლილი, მაშინ, როცა ინფიცირებულთა რაოდენობა რუსეთში, აშშ-ში, იტალიასა და სხვა ქვეყნებში ბევრად მეტი იყო.

„რა სტრატეგიას იყენებდა და იყენებს საქართველოს მთავრობა? რომელი ზომები განსხვავდება სხვა ქვეყნებისაგან? რა ფორმით შეიძლება გახდეს საქართველო პანდემიის წინააღმდეგ ბრძოლაში მისაბაძი მაგალითი სხვა ქვეყნებისთვის, განსაკუთრებით მაშინ, როდესაც მოსალოდნელია მეორე ტალღა? ჩვენ ვესაუბრეთ ეკატერინე ტიკარაძეს, საქართველოს ჯანდაცვის მინისტრს, რომელმაც აგვიხსნა საქართველოს სტრატეგია კორონასთან მიმართებით.

მიუხედავად იმისა, რომ COVID-19 შემთხვევების რიცხვი დასავლეთის ბევრ ქვეყანაში გაიზარდა და გერმანიაში ჯერ კიდევ არსებობს ცხელი წერტილები, გერმანიაში არის რობერტ კოხის ინსტიტუტი, რომელსაც ევალება პანდემიის წინააღმდეგ ბრძოლა. არის თუ არა მსგავსი COVID-19 სამუშაო ჯგუფი საქართველოში და თუ ასეა, როგორ არის ის დაკომპლექტებული? - ამ კითხვაზე ეკატერინე ტიკარაძე პასუხობს:

„საქართველში, დაავადებათა კონტროლისა და საზოგადოებრივი ჯანდაცვის ეროვნული ინსტიტუტი (NCDC) საზოგადოებრივი ჯანდაცვის რისკებზე სწრაფად და ეფექტურად რეაგირებისთვის შეიქმნა. 2013 წელს რიჩარდ ლუგარის საზოგადოებრივი ჯანდაცვის კვლევითი ცენტრის ინტეგრირება დაავადებათა კონტროლისა და საზოგადოებრივი ჯანდაცვის ეროვნულ ცენტრთან მოხდა და შეიქმნა ძლიერი ინსტიტუცია, რომლის ძირითადი ფუნქციებია ჯანმრთელობის რისკების მიმართ მზადყოფნის უზრუნველყოფა, აგრეთვე ამ რისკებზე დაუყოვნებლივი და ეფექტური რეაგირება, ავადმყოფობის, შშმ პირთა რიცხვის და ნაადრევი სიკვდილიანობის შემცირება გადამდები, არაგადამდები დაავადებების, კლიმატის ცვლილებისა და გარემო ფაქტორების მიზეზით, ელექტრონული ინფორმაციული სისტემების შემუშავება და ა.შ.“

მისივე თქმით, COVID-19-ის პანდემიასთან გამკლავების მიზნით, საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტრომ ჩამოაყალიბა კორონავირუსის ახალი კლინიკური მართვის ჯგუფი, ლაბორატორიული დიაგნოსტიკის ჯგუფი და საზოგადოებრივი ჯანმრთელობის ექსპერტიზის ჯგუფი, სადაც სამინისტროსა და დაავადებათა კონტროლის ცენტრის თანამშრომლები, ასევე პროფესიული ასოციაციების წარმომადგენლები, ექსპერტები, ჯანდაცვის მსოფლიო ორგანიზაციის წარმომადგენლები და სხვადასხვა დაინტერესებული ჯგუფები შედიან.

ჟურნალისტის კითხვაზე, რამდენი ხანია, რაც საქართველო პანდემიას აკვირდება, ეკატერინე ტიკარაძე პასუხობს, რომ ინფორმაცია ჩინეთში უცნობი ვირუსის ეპიდემიის შესახებ ჯანდაცვის სამინისტრომ საქართველოს მთავრობას 2020 წლის 6 იანვარს წარუდგინა.

„მთავრობამ შეიმუშავა დაუყოვნებელი და კონკრეტული ზომები, დაიწყო სხვა ქვეყნების პრაქტიკის შესწავლა და მათი გამოცდილების მუდმივი მონიტორინგი. კერძოდ, COVID-19–ის წინააღმდეგ ბრძოლის ეფექტურობისა და კოორდინაციის მიზნით, პრემიერ-მინისტრმა გადაწყვიტა ჩამოეყალიბებინა უწყებათაშორისი საკოორდინაციო საბჭო, სადაც მიიღება COVID-19–თან დაკავშირებული ყველა ძირითადი გადაწყვეტილება. საკოორდინაციო საბჭოს შემადგენლობაში შედიან როგორც მთავრობის წევრები და პარლამენტი, ასევე საქართველოს პრეზიდენტის ადმინისტრაციის წარმომადგენლები და ჯანდაცვის სფეროს პროფესიონალები. 28 იანვარს გაძლიერდა ოპერატიული კონტროლის გეგმა და განისაზღვრა როგორც ეროვნული კონტროლის ზომები, ისე შესაბამისი სტრუქტურების პასუხისმგებლობა და მოვალეობები” - აცხადებს მინისტრი.

როგორც ეკატერინე ტიკარაძე აღნიშნავს, იანვრიდან დღემდე, სამინისტრო, დაავადებათა კონტროლისა და საზოგადოებრივი ჯანდაცვის ეროვნული ცენტრი, COVID მენეჯმენტის, ლაბორატორიული დიაგნოსტიკის და საზოგადოებრივი ჯანმრთელობის ექსპერტთა ჯგუფები აკვირდებიან მსოფლიოში, რეგიონში და ქვეყანაში კორონავირუსის განვითარების ტენდენციებს, სწავლობენ სხვა ქვეყნების გამოცდილებას და დაუყოვნებლივ რეაგირებენ ჯანდაცვის მსოფლიო ორგანიზაციის, შეერთებული შტატების დაავადებათა კონტროლის ცენტრისა და წამყვანი ევროპული ორგანიზაციის რეკომენდაციების შესაბამისად, პრევენციის, მართვისა და მკურნალობის ზომების თანხვედრაზე.

კითხვაზე, არსებობს თუ არა ჰიგიენის კონკრეტული სტანდარტები და რა განსხვავებაა საქართველოში არსებულ და დასავლეთ ევროპის ქვეყნების ჰიგიენის რეგულაციებს შორის? ეკატერინე ტიკარაძე პასუხობს, რომ ქვეყნის ჰიგიენის სტანდარტები და წესები წყლის, სანიტარული და ჰიგიენის რეგულაციებთან დაკავშირებით (WASH) დადგენილია მთავრობის შინაგანაწესით და სავალდებულოა საზოგადოებრივი ობიექტებისთვის, როგორიცაა სკოლები, საბავშვო ბაღები, სამედიცინო დაწესებულებები, კვების ობიექტები და ა.შ. მინისტრის თქმით, სტანდარტები ძირითადად ემყარება ჯანმრთელობის მსოფლიო ორგანიზაციის, შეერთებული შტატების დაავადებათა კონტროლის ცენტრისა და ევროპის წამყვანი ქვეყნების რეკომენდაციებს.

„ახალი COVID-19-ით გამოწვეული ინფექციების გავრცელების თავიდან აცილებისა და კონტროლის მიზნით, ჰიგიენის არსებული სტანდარტები სწრაფად იქნა ადაპტირებული საერთაშორისო და ევროპულ რეგულაციებთან. ინფექციების კონტროლისა და ჰიგიენის სტანდარტების შესაფასებლად, ჯანდაცვის მსოფლიო ორგანიზაციის სტანდარტული კითხვარი იქნა გამოყენებული სამედიცინო და საზოგადოებრივი ჯანდაცვის ობიექტების მზადყოფნის შესამოწმებლად. შედეგად, შეირჩა COVID დიაგნოსტიკური და მართვის დაწესებულებები და კორონავირუსული ინფექციის დაბალი მაჩვენებელი დაფიქსირდა როგორც პაციენტებში, ისე სამედიცინო პერსონალში“ - აცხადებს ეკატერინე ტიკარაძე.

გამოცემა „FAIReconomics “ მინისტრის გერმანულ განათლებას უსვამს ხაზს და წერს, რომ მინისტრი გერმანიაში სწავლობდა 1998 წელს, შემდეგ კი დაამთავრა სამედიცინო ინსტიტუტი თბილისში და მიიღო დოქტორის წოდება. ის თავისუფლად საუბრობს გერმანულად. 2005 წელს გაიარა ზოგადი სტომატოლოგიის კურსი. 2007-2008 წლებში სწავლობდა გამოყენებითი მეცნიერებების მიმართულებით ლუდვიგშაფენის უნივერსიტეტში, გერმანიაში, ყბა-სახის იმპლანტის ქირურგიის სპეციალობით. 2016-2019 წლებში სწავლობდა მენეჯმენტისა და ბიზნესის ადმინისტრირების სამაგისტრო პროგრამაზე, ჯანდაცვის მენეჯმენტის, საავადმყოფოს მენჯმენტის, ეკონომიკისა და მენეჯმენტის მიმართულებით კრემსის დუნაის უნივერსიტეტში, ავსტრიაში და მიიღო მენჯმენტისა და ბიზნეს ადმინისტრირების მაგისტრის კვალიფიკაცია. ტიკარაძე ასევე მუშაობდა პროექტის განვითარების მენეჯერად ნიურნბერგის ფონდში „სტომატოლოგები საზღვრებს მიღმა”- წერს ჟურნალისტი მარკუს ლიხტენბერგი.

ჰიდროელექტროსადგური
ენგურჰესი - Pia.ge

ენგურჰესზე ავარიაა - აფხაზური მედია

ენგურჰესზე ავარიაა. ამის შესახებ ინფორმაციას აფხაზური მედია ავრცელებს.

ქალაქ თბილისში, შარტავას ქუჩაზე, ამჟამად პოლიცია არის მობილიზებული. გარდაცვლილია 70 წლამდე კაცი. თვითმხილველთა თქმით, კაცი შეუძლოდ გახდა, დაეცა და გარდაიცვალა.

1623673804

2021 წლის ივლის-აგვისტოში ვანის არქეოლოგიურ მუზეუმში საქართველოს ეროვნული მუზეუმის და საქართველოში იტალიის საელჩოს ორგანიზებით გამოფენა - „სიცოცხლე და სიკვდილი - დიდებული პომპეი“ გაიმართება. ინფორმაციას თიბისი ბანკი ავრცელებს.

1623673770

პირველი ივლისიდან მთელი საქართველოს მასშტაბით საყოფაცხოვრებო მომხმარებლისა და მცირე საწარმოებისთვის ელექტროენერგიის მიმწოდებელი კომპანიები იცვლება. ამის შესახებ ინფორმაციას სემეკი ავრცელებს.

1623673336

ნატო-საქართველოს წვრთნებისა და შეფასების ერთობლივი ცენტრში (JTEC) MILES I-HITS და VBS-3 სიმულაციური სისტემების სწავლება მიმდინარეობს, - ამის შესახებ ინფორმაციას საქართველოს თავდაცვის სამინისტროში ავრცელებენ.

1623673168
მომავალ მშობლებს ბათუმის
დედათა და ბავშვთა
ცენტრალური ჰოსპიტლის
ბაზაზე არსებული მშობელთა
სკოლა მოემსახურება

მომავალ მშობლებს ბათუმის დედათა და ბავშვთა ცე...

მ. იაშვილის სახელობის ბათუმის დედათა და ბავშვთა ცენტრალურ ჰოსპიტალში მშობელთა სკოლა ფუნქციონირებს, რომელიც რეპროდუქციული ჯანმრთელობის საკითხებთან დაკავშირებით ორსულებისა და მათი ოჯახის წევრების ცოდნის ამაღლებას უზრუნველყოფს. ინფორმაციას ევექსის საზოგადოებასთან ურთიერთობის სამსახურის წარმომადგენელი ავრცელებს.

ავარიულად გამოირთო 500 კვ-იანი ელექტროგა...

საქართველოს სახელმწიფო ელექტროსისტემა საქართველოში ელექტროენერგიის შეზღუდვის მიზეზს განმარტავს.

თბილისში ელექტროენერგიის გათიშვის გამო მ...

თბილისში ელექტროენერგიის გათიშვის გამო მეტრო გაჩერდა.

„ამერიკელი მაღალჩინოსნების ვიზიტი, ძალია...

ამერიკელი მაღალჩინოსნების ვიზიტი, ძალიან ძლიერი სიგნალია საქართველოსთვის, მათ შორის ნატო-ს წევრობასთან დაკავშირებით, - ამის შესახებ საქართველოში აშშ-ის ელჩმა კელი დეგნანმა ნატო-ს სამიტზე საუბრისას განაცხადა.