კვლევების მესამე ფაზის შედეგად დადგინდა, რომ კორონავირუსის საწინააღმდეგო რუსული ვაქცინის, Sputnik V-ს ეფექტიანობა 92%-ს შეადგენს. ამის შესახებ ცნობილი სამედიცინო ჟურნალის, Lancet-ის მიერ გავრცელებულ სტატიაშია აღნიშნული. ინფორმაციას BBC ავრცელებს.
კვლევები ჰოლანდიური კომპანიის, Crocus Medical-ის მეთვალყურეობის ქვეშ ჩატარდა. სტატიაში აღნიშნულია, რომ ამ კომპანიის კონტროლის სისტემა საერთაშორისო სტანდარტებს შეესაბამება.
ვაქცინის შემოწმების ექსპერიმენტში 40 ათასამდე მოხალისე მონაწილეობდა,მათ შორის 2 ათასი პირი, რომელთა ასაკი 60 წელზე მეტია. კვლევებმა აჩვენა, რომ ვაქცინა ამ ასაკის პირთა შორისაც ისეთივე ეფექტიანია, როგორც ახალგაზრდებში.
Сovid 19 -ის საწინააღმდეგო ვაქცინა Sputnik V მოსკოვის გამალეის სახელობის სამეცნიერო-კვლევითმა ინსტიტუტმა შექმნა.
იხილეთ აგრეთვე: