ლედი გაგა ჯო ბაიდენის ინაუგურაციაზე იმღერებს
1610636269
მომღერალი ლედი გაგა 20 იანვარს, აშშ–ის ახალი პრეზიდენტის, ჯო ბაიდენის ინაუგურაციაზე იმღერებს. ამის შესახებ ინფორმაციას CNN ავრცელებს.
ოსკაროსანი მომღერალი ლედი გაგა ამერიკის ახალი პრეზიდენტის ჯო ბაიდენის დიდი გულშემატკივარია. გაგა მის საარჩევნო კამპანიაშიც აქტიურად იყო ჩართული. მის ფანებს მიმართავდა, პოლიტიკური მოწოდებებით და არაერთხელ გაუკრიტიკებია დონალდ ტრამპი.
ინაუგურაციის ცერემონია, უსაფრთხოების წესების სრული დაცვით გაიმართება. უსაფრთხოების წესები კი კორონავირუსის პანდემიის გარდა, ასევე, ძალადობისგან დაცვასაც გულისხმობს. კაპიტოლიუმის აღების შემდეგ საპრეზიდენტო დაცვა ყველანაირი დარტყმისთვის მზადყოფნაში იქნება.
ინაუგურაციის ტრანსლირების შემდეგ დაიწყება სპეციალური შოუ, რომელსაც ტომ ჰენქსი გაუძღვება და ტელემაყურებლის წინაშე დემი ლევატო, ბონ ჯოვი და ჯასტინ ტიმბერლეიკი წარსდგებიან.
მოგვიანებით ამერიკელებს თავად ჯო ბაიდენი და კამილა ჰარისიც მიმართავენ.
