მიანმარში ეროვნული დაუმორჩილებლობის აქციებს მასწავლებლებიც შეუერთდნენ. ამის შესახებ BBC იუწყება.
მანამდე საპროტესტო აქციები ექიმებმა, სტუდენტებმა და სახელმწიფო მოხელეების ნაწილმა გამართა. ისინი მიანმარში 1-ელ თებერვალს მომხდარ სამხედრო გადატრიალებას აპროტესტებენ და სამხედრო ხუნტას არ აღიარებენ.
მასწავლებლები სამხედროებთან თანამშრომლობაზე უარს აცხადებენ და მათ ქმედებებს „არაკონსტიტუციურს“ უწოდებენ. მასწავლებლები პედაგოგიური უნივერსიტეტის კორპუსთან შეიკრიბნენ.
სამხედროებმა მიანმარში ძალაუფლება ხელში 1-ელ თებერვალს ჩაიგდეს. მათ მმართველი პარტია 2020 წლის ნოემბერში ჩატარებული არჩევნების გაყალბებაში დაადანაშაულეს. სამხედრო ხუნტამ ქვეყნის პარლამენტი დაშალა და მაინმარში ერთი წლით საგანგებო მდგომარეობა გამოაცხადა.
ასევე წაიკითხეთ: