მოსკოვის სასამართლო: აფხაზეთში „იაპონჩიკის“ ორი მკვლელი იმალება

„იაპონჩიკის“ მკვლელობა 2009 წელს მოხდა. ბუტბამ „იაპონჩიკს“ სნაიპერის შაშხანიდან ესროლა, როდესაც ის რესტორან „ტაივანის სპილოდან“ გამოდიოდა. პაპავა ასევე მკვლელობის ადგილზე იმყოფებოდა. ის კილერს იცავდა და ავტომატით იყო შეიარაღებული.

ბუტბა და პაპავა ამჟამად ოკუპირებული აფხაზეთის ტერიტორიაზე იმყოფებიან. მკვლელობის ყველა სხვა მონაწილე, რომლებიც იარაღის გადატანით, ასევე მკვლელობის ორგანიზებით იყვნენ დაკავებულები, დაპატიმრებულები არიან.

სასამართლომ ბუტბას და პაპავას დაუსწრებლად წაუყენა ბრალი მკვლელობაში, რომელიც ორგანიზებული დანაშაულებრივი ჯგუფის შემადგენლობაში ჩაიდინეს და იარაღის უკანონო შენახვაში.

ამჟამად ამ პირების რუსეთში ექსტრადირების საკითხი განიხილება. ამ საქმეზე დაკავებულები არიან ასევე მურთაზ შედანია, კახა გაზაევი, ჯამბულ ჯანაშია და მკვლელობის სავარაუდო დამკვეთი ილია სიმონია.

იხილეთ აგრეთვე:

🔅 რუსეთში ქართველი „კანონიერი ქურდი“ ციხიდან გამოსვლის ნაცვლად ისევ ციხეში შეაბრუნეს

🔅 ვახტანგ გომელაური: წელს პასუხისგებაში მივეცით 5 ე.წ. კანონიერი ქურდი, „ქურდული სამყაროს“ წევრობის, მხარდაჭერისა და „კანონიერი ქურდისთვის“ მიმართვის ბრალდებით კი დავაკავეთ 49 პირი