ნავალნის ფონდმა პუტინის სასახლეზე საგამოძიებო ფილმი გადაიღო (ვიდეო)

ობიექტის ფართობი 18 000 კვადრატულ მეტრს შეადგენს. მასზე ფრენებია აკრძალული, ხოლო სასახლის წინ ზღვის აკვატორია დახურულია. ნავალნის ინფორმაციით, სასახლის მშენებლობა 100 მლრდ რუსული რუბლი, ( 1,347 მლრდ დოლარი) დაჯდა.

ნავალნის ინფორმაციით, სასახლის კომპლექსში მიწისქვეშა ყინულის დარბაზი, ეკლესია და 60-მეტრიანი ხიდი შედის. "ეს ყველაზე დაცული ადგილია რუსეთში. ფაქტობრივად სახელმწიფოა სახელმწიფოში. პუტინის ამ ყველაზე დიდ საიდუმლოს ასობით, ან კიდე ათასობით ადამიანი იცავს. ამ ადამიანებში დაცვის წარმომადგენლები, მებაღეები, მშენებლები და რუსეთის ყველაზე მდიდარი ადამიანები შედიან“ - ამბობს ნავალნი საგამოძიებო ფილმში.

ფილმში პუტინის ახლო გარემოცვაზეც არის საუბარი, რომლებიც დღეს რუსეთის უმდიდრესი ადამიანების სიაში შედიან.

ფილმის ხანგრძლივობა დაახლოებით 2 საათია. ის რუსეთში ალექსეი ნავალნის დაკავების შემდეგ გამოაქვეყნეს. ნავალნი ბერლინიდან მოსკოვში დაბრუნების შემდეგ 17 იანვარს, შერემეტიევოს აეროპორტში დააკავეს. მეორე დღეს სასამართლომ მას 30-დღიანი პატიმრობა შეუფარდა.

ასევე წაიკითხეთ:

👿 „ქუჩაში გამოდით არა ჩემთვის, არამედ თქვენი მომავლისთვის“ - ნავალნი

👿 „ნავალნის მკვლელობის მცდელობაში პასუხისმგებელი პირები მართლმსაჯულების წინაშე უნდა წარდგნენ“ - სტოლტენბერგი