ნიგერიაში ბენზინგასამართი სადგურის მახლობლად საწვავმზიდის აფეთქების შედეგად 6 ადამიანი დაიღუპა. ამის შესახებ Anadolu იუწყება.
ამ ინფორმაციის მიხედვით, აფეთქება დასავლეთ ნიგერიაში მოხდა. საწვავმზიდი იმ მომენტში აფეთქდა, როდესაც ბენზინგასამართ სადგურში საწვავის გადასხმა ხდებოდა.
აფეთქების შედეგად 30-მდე სახლი დაზიანდა. ვრცელდება ინფორმაცია ბევრი დაჭრილის შესახებ. ხელისუფლება შიშობს, რომ დაღუპულთა რიცხვი შეიძლება გაიზარდოს.
ცეცხლის გავრცელების საფრთხე ამჟამად არ არსებობს.
ცნობისთვის, ნიგერია აფრიკაში ნავთობის ერთ-ერთი უდიდესი მომპოვებელი ქვეყანაა.