რუსეთში ბოლო 24 საათში კორონავირუსის 17 ათასზე მეტი შემთხვევა დაფიქსირდა
1603452161
რუსეთში ბოლო 24 საათის განმავლობაში კორონავირუსით ინფიცირების 17 340 შემთხვევა დაფიქსირდა. ოპერატიული შტაბის ინფორმაციით, ეს რეკორდული მაჩვენებელია. წინა რეკორდი (16 319 შემთხვევა) 20 ოქტომბერს დაფიქსირდა. ამავე პერიოდის განმავლობაში 11 263 ადამიანი გამოჯანმრთელდა. ინფორმაციას forbes.ru ავრცელებს.
ერთ დღეში რუსეთში კორონავირუსისგან 283 ადამიანი დაიღუპა. ამ მხრივ რეკორდი 21 ოქტომბერს დაფიქსირდა, როდესაც 24 საათში 317 პაციენტი გარდაიცვალა.
პამდემიის დაწყებიდან რუსეთში კორონავირუსის 1,480,646 შემთხვევა დაფიქსირდა. 1 119 251 ადამიანი გამოჯანმრთელდა, ხოლო 25 525 - გარდაიცვალა.
