რუსეთში კორონავირუსით ინფიცირების და გარდაცვალების რეკორდი დაფიქსირდა
1605965520
ბოლო 24 საათში რუსეთში კორონავირუსისგან 467 ადამიანი გარდაიცვალა, რაც რეკორდული მაჩვენებელია პანდემიის დაწყებიდან. უკვე მეხუთე დღეა რუსეთში COVID 19-სგან ყოველდღიურად 400-ზე მეტი ადამიანი იღუპება. ინფორმაციას rbc.ru ავრცელებს.
რეკორდული მაჩვენებელი დაფიქსირდა, ასევე, ახალი შემთხვევების მხრივ. ერთ დღე-ღამეში რუსეთში COVID 19-ის 24,8 ათასი ახალი შემთხვევა დაფიქსირდა. რეკორდი მატების მხრივ მოსკოვში და სანქტ-პეტერბურგშიც გამოვლინდა.
პანდემიის დაწყებიდან რუსეთში კორონავირუსის 2,064,748 შემთხვევა დაფიქსირდა. ამ ხნის განმავლობაში 24,822 ადამიანი გარდაიცვალა.
