უცხოეთი

საქართველო მტკიცედ არის ორიენტირებული დასავლეთისკენ -„ქართულმა ოცნებამ“ შეიტანა ცვლილება კონსტიტუციაში, რომლითაც ქვეყანას დასავლური ინტეგრაციის ორიენტირი შეუნარჩუნა - ირაკლი ბერაია „THE HILL”-ში

ნატო-საქართველოს წვრთნები 2018
14:01 13.07
დაკოპირებულია

„მოვუწოდებთ კონგრესის ყველა წევრს, ეწვიონ საქართველოს - შეხვდნენ ჩვენს ბიზნეს ლიდერებს, იმოგზაურონ რუსეთის მიერ ოკუპირებული ტერიტორიების წინა ხაზზე და პირველ რიგში, შეხვდნენ აშშ-ს ჯარისკაცებს, რომლებიც ჩვენს სამხედრო ძალებს წვრთნიან. თქვენ ვერ დაინახავთ კონგრესმენ მალინის მიერ აღწერილ საქართველოს. სამწუხაროა, რომ კომერციული დავა გარკვეულწილად დაკავშირებულია შავი ზღვის რეგიონში გეოპოლიტიკური ბალანსის ცვლასთან, განსაკუთრებით კი აშშ-ის კონგრესმენის მხრიდან. საქართველო ამ რეგიონში ამერიკის შეერთებული შტატების ერთგული მოკავშირე იყო სულ, რაც არ შეიცვლება, - გამოცემა „THE HILL“ საქართველოს საქართველოს პარლამენტის საგარეო ურთიერთობათა კომიტეტის თავმჯდომარის, ირაკლი ბერაიას სტატიას აქვეყნებს.

ბერაიას თქმით, საქართველო ყველა ეკონომიკური ინდექსის მიხედვით მსოფლიოში საუკეთესოთა შორისა მისი დაბალი გადასახადების, იურიდიული გამჭვირვალეობისა და კორუფციის არარსებობის გათვალისწინებით და ფაქტები საქართველოს ღია და ბაზარზე ორიენტირებული ეკონომიკის შესახებ კონგრესმანის არგუმენტებს ეწინააღმდეგება.

როგორც პარლამენტის საგარეო ურთიერთობათა კომიტეტის თამვჯდომარე აცხადებს, საქართველო მტკიცედ ორიენტირებულია დასავლეთისკენ, რაზეც მეტყველებს ის, რომ „ქართულმა ოცნებამ“ კონსტიტუციაში შეიტანა ცვლილება, რომლითაც ქვეყანას დასავლური ინტეგრაციის ორიენტირი შეუნარჩუნა, წარმატებით მიიღო ისტორიული ასოცირების ხელშეკრულება DCFTA - ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმება და ევროკავშირთან უვიზო მიმოსვლა, 2016 წელს აშშ-სთან თავდაცვისა და უსაფრთხოების პარტნიორობის გაღრმავების მემორანდუმს და 2017 წელს საქართველოს თავდაცვის მზადყოფნის პროგრამას ხელი მოეწერა, რაც ორმხრივ სამხედრო თანამშრომლობას უმაღლეს დონეზე აყენებს და ნატოში გაწევრიანების აგრესიულ მცდელობას მხარს უჭერს ამერიკის მთავრობაც.

გამოცემა „THE HILL“-თან ირაკლი ბერაია ქართველ სამხედროებზე საუბრობს, რომლებიც ერაყსა და ავღანეთში დღემდე, ამერიკის წინამძღოლობით, ამერიკელ სამხედროებთან ერთად ტერორიზმის წინააღმდეგ იბრძვიან ნატოს მისიებში.

პარლამენტის საგარეო ურთიერთობათა კომიტეტის თავმჯდომარე აღნიშნავს, რომ საქართველო აძლიერებს დემოკრატიას და შეერთებული შტატების დახმარებით უფრო უახლოვდება ნატო-ს.

ირაკლი ბერაია მისტიურს უწოდებს კონგრესმენ მალინის მცდელობას, შეეფერხებინა საქართველოსთვის შეერთებულ შტატების მხრიდან ფართო მხარდაჭერა, კავშირს მოკლებულ კომერციულ დავაზე დაყრდნობით.

„საქართველოს მთავრობა მჭიდროდ თანამშრომლობს შეერთებულ შტატებთან რუსეთის აგრესიის ფონზე საქართველოს მზადყოფნისა და თავდაცვისუნარიანობის გასაძლიერებლად; ჩვენი არჩევნების ჩასაშლელად მიმართული კიბერ შემოტევების წინააღმდეგ; და იმისათვის, რომ აიძულებენ რუსული ძალების გაყვანა ოკუპირებული აფხაზეთისა და ცხინვალის ტერიტორიებიდან. 2008 წლის შემოსევების შემდეგ, რუსეთი ჩვენი ტერიტორიების 20% -ს იკავებს, ათასობით რუსული ჯარიკაცი კი განლაგებულია ჩვენი დედაქალაქიდან 40 მილის დაშორებით. თქვენ არ გეცოდინებათ, რომ საქართველო ამერიკასა და მის მოკავშირეებთან ერთად იბრძვის გლობალური ტერორიზმისა და რუსეთის აგრესიისს წინააღმდეგ ყოველდღიურად - მარკვეინ მალინის უსაფუძვლო დახასიათებანი ჩემი ქვეყნის შესახებ „The Hill”-ში. ერაყსა და ავღანეთში განხორციელებული კამპანიების დაწყებიდან დღემდე, ათობით ათასი ქართველი სამხედრო და ქალი იბრძოდა ამერიკელ სამხედროებთან ერთად ამერიკის წინამძღოლობით ნატო-ს მისიებში ტერორიზმის წინააღმდეგ. ჩვენ აგრესიულად ვცდილობთ ნატო-ში გაწევრიანებას, რასც მხარს უჭერს ამერიკის მთავრობაც. ჩვენ ნატო-ს ერთ-ერთი მცირე მოკავშირე ვართ, რომელიც მუდმივად ახდენს მშპ – ს ორი პროცენტის ინვესტირებას თავდაცვის სფეროში; ჩვენ მონაწილეობას ვიღებთ ერთობლივ სასწავლო ვარჯიშებში აშშ-ს სამხედრო ძალებთან ერთად უფრო ხშირად, ვიდრე ოდესმე და ჩვენთან ნატო-ს რამდენიმე ახალი დაწესებულებაა. კონგრესმენი მალინის მცდელობა, რომ შეეფერხებინა ფართო მხარდაჭერა საქართველოსთვის შეერთებულ შტატების მხრიდან კავშირს მოკლებულ კომერციულ დავაზე დაყრდნობით მისტიურია. აპრილში, Frontera Resources– მა, რომელსაც ის ხელმძღვანელობს, ერთხმად წააგო იურიდიული საარბიტრაჟო გადაწყვეტილება საქართველოს წინააღმდეგ ჰააგაში. ეს უნდა ყოფილიყო დავის დასასრული. საქართველომ გადაწყვეტილების მიღებამდე გამოაცხადა, რომ დაიცავდა საერთაშორისო ტრიბუნალის განჩინებას, რაც არ უნდა ყოფილიყო ის. Frontera Resources– მა აშკარად სხვაგვარად გადაწყვიტა. ალბათ, ეს გასაკვირი არ არის, რადგან Frontera-ს ბრალად ედება საქართველოს ნავთობისა და გაზის რესურსების „ექსპლუატაცია” - თავისი ქართველი მუშაკებისთვის ანაზღაურების მიცემაც ვერ მოახერხა და ასობით ადამიანი უსახსროდ დატოვა პანდემიის დროს. კონგრესმენი მალინი ციტირებს კიდევ ორ კომპანიას, რომლებიც წარმატებით ახორციელებენ ბიზნესს საქართველოში, რომლებმაც რეალურად მოიგეს იურიდიული სარჩელი საქართველოს სასამართლოებში რამდენიმე წლის წინ. ამჟამად საქართველოში 300 – ზე მეტი ამერიკული კომპანია მუშაობს, ხოლო მათი რიცხვი იზრდება, რადგან ბიზნესისთვის მიმზიდველი ადგილია საქართველო. ფაქტები საქართველოს ღია და ბაზარზე ორიენტირებული ეკონომიკის შესახებ ეწინააღმდეგება კონგრესმანის არგუმენტებს. პრაქტიკულად, ყველა ეკონომიკური ინდექსის მიხედვით საქართველო მსოფლიოს საუკეთესოთა შორის არის, მისი დაბალი გადასახადების, იურიდიული გამჭვირვალეობისა და კორუფციის არარსებობის გათვალისწინებით. მსოფლიო ბანკის ყოველწლიური "Doing Business" რეიტინგების მიხედვით საქართველო მე -7 ადგილზეა მსოფლიოში. მემკვიდრეობის ფონდის ეოკონომიკური თავისუფლების ინდექსით საქართველო მე -12 ყველაზე თავისუფალი ეკონომიკის მქონე ქვეყანაა მსოფლიოში და ერთადერთი განვითარებადი ქვეყანა 20 საუკეთესოს შორის. ეს ძნელად ასახავს იმ ბიზნეს გარემოს, რომელსაც კონგრესმენი მალინი აღწერს”,- აცხადებს ირაკლი ბერაია გამოცემა „THE HILL“-თან.

გერგეთის სამება

კორონავირუსის 11 ახალი შემთხვევა ყაზბეგს...

კორონავირუსის 23 ახალი დადასტურებული შემთხვევიდან 11 ინფიცირებულ პირებთან კონტაქ...
11:51
რუსთავის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და განსაკუ...
47 წუთის წინ
გაურკვეველ ვითარებაში გარდაცვლილი ახალგაზრდა პროგრამისტის თამარ ბაჩალიაშვილის დედა თეონა თამაზაშვილი...
57 წუთის წინ
ექსპერტი სამხედრო-პოლიტიკურ საკითხებში ამირან სალუქვაძე „ევროპული საქართველოს“ ლიდერის, დავით ბაქრაძ...
11:57
25 დღის წინ გახსნილი სამშენებლო–სარემონტო მასალების ამიერკავკასიაში უდიდესი ჰიპერმარკეტი „მიჰაუსის“...
11:49
ფულადი გზავნილები ივნისი ფულადი გზავნილების მოცულობა 22.1%-ით გაიზარდა
საზღვარგარეთიდან საქართველოში ფულადი გზავნილების მოცულობამ ივლისში $188.7 მლნ (578 მლნ ლარი) შეადგინ...
10:59
Who: მწეველებს კორონავირუსი უფრო ხშირად...
მსოფლიო ჯანდაცვის ორგანიზაციის ინფორმაციით, მწეველებს კორონავირუსი უფრო ხშირად უ...
სხვისი პირადობის ასლებით ბანკიდან სესხის...
საქართველოს ფინანსთა სამინისტროს საგამოძიებო სამსახურის თანამშრომლებმა, წინასწარ...
მეთხილე ფერმერები რეკორდულ მოსავალს ელოდ...
სამეგრელოში თხილის მოსავლის აღება დაიწყო. გარემოს დაცვისა და სოფლის მეურნეობის ს...