საფრანგეთის სენატმა რეზოლუცია მიიღო, რომელიც მთავრობას მთიანი ყარაბაღის დამოუკიდებლობის აღიარებისკენ მოუწოდებს. რეზოლუციას 305-მა ფრანგმა სენატორმა დაუჭირა მხარი, ერთმა წინააღმდეგ მისცა ხმა. ამის შესახებ globalnews.ca იუწყება.
ამ ფაქტს სომხეთის პრემიერ-მინისტრმა ნიკოლ ფაშინიანმა „ისტორიული“ უწოდა. „არცახის დამოუკიდებლობის აღიარება საერთაშორისო დღის წესრიგის ნაწილი ხდება“ - დაწერა ფაშინიანმა ფეისბუქში.
თავის მხრივ, აზერბაიჯანის საგარეო საქმეთა სამინისტრომ განცხადება გაავრცელა, რომელშიც აღნიშნა, რომ ამ დოკუმენტს იურიდიული ძალა არ გააჩნია. „რეზოლუცია პროსომხური დეპუტატების მიერ იყო ინიცირებული. დოკუმენტს იურიდიული ძალა არა აქვს, მაგრამ პოლიტიკურად ის საფრანგეთის, როგორც მოლაპარაკების პროცესის შუამავლის როლს ეჭვქვეშ აყენებს“ - აცხადებენ აზერბაიჯანის საგარეო საქმეთა სამინისტროში.
საფრანგეთის საგარეო საქმეთა სამინისტრომ მთიანი ყარაბაღის დამოუკიდებლობის აღიარებას არ გეგმავს. სამინისტროს მდივნის ჟან ბატისტ ლემუანის განცხადებით, საფრანგეთის მიერ მთიანი ყარაბაღის აღიარება არც სომხეთის, არც ყარაბაღის მოსახლეობის, არც ევროპის და არც ეუთოს მინსკის ჯგუფის სხვა მონაწილეთა ინტერესებში არ შედის.
საფრანგეთის სენატის გადაწყვეტილება სარეკომენდაციო ხასიათს ატარებს და მისი შესრულება სავალდებულო არ არის.
„გირჩის“ ერთ-ერთი ლიდერი ვახო მეგრელიშვილი თანაგუნდელის იაგო ხვიჩიას განცხადებას გამოეხმაურა, რომელის თანახმადაც მას „ნაციონალური მოძრაობის“ ლიდერი ნიკა მელია დაემუქრა.
თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, რა თქმა უნდა, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა.
„თუ დადებითობის მაჩვენებელი 4 პროცენტზე მეტია ყველანაირი საუბარი ნორმალურ ეკონომიკურ ფუნქციონირებაზე არის ჭორაობა და მეტი არაფერი, ან სურვილები, რომლის მიღმაც არანაირი მეცნიერულად დასაბუთებული არგუმენტები არ არსებობს მას შემდგომ, რაც გავაკეთეთ მიზნობრივი შეზღუდვები, დადებითობის მაჩვენებელი სულ უფრო და უფრო მოდის ქვემოთ“,- ამის შესახებ პრემიერ-მინისტრმა გიორგი გახარიამ უწყებათაშორის საბჭოს სხდომაზე განაცხადა.
ბაქოს შემოგარენში, საცხოვრებელ კორპუსში მომხდარ აფეთქებას მსხვერპლი მოჰყვა. მაშველებმა ნანგრევებში ქალის ცხედარი აღმოაჩინეს. ამის შესახებ „სპუტნიკი“ იუწყება.
„შემდგომი ყველაზე მნიშვნელოვანი ნაბიჯი, რომელიც საქართველოს მთავრობას მოუწევს გადადგას, ეს არის რა თქმა უნდა განათლების და პირველ რიგში დაწყებითი განათლების დაწესებულებების გახსნა“, - ამის შესახებ პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს სხდომაზე განაცხადა.
რუსეთის პრეზიდენტმა ვლადიმერ პუტინმა სახელმწიფო დუმას დაავალა მოამზადოს კანონი, რომელიც მეორე მსოფლიო ომში სსრკ-ს და გერმანიის როლების გათანაბრებას აკრძალავს. ამის შესახებ rbc.ru იუწყება.
ბოლო 24 საათში საქართველოში კორონავირუსით გარდაცვალების 25 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 3 096 პირი ემსხვერპლა.
შინაგან საქმეთა სამინისტროს შესაბამისი დანაყოფების თანამშრომლები, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებენ. ამის შესახებ ინფორმაციას შსს ავრცელებს.
