სერბეთი ბელარუსში დაგეგმილ წვრთნებში მონაწილეობას არ მიიღებს
1599721370
სერბი სამხედროები ბელარუსში დაგეგმილ საერთაშორისო წვრთნებში მონაწილეობას არ მიიღებენ. სერბეთის თავდაცვის სამინისტროს ინფორმაციით, ბრიუსელმა ურჩია სერბეთს, თავი შეიკავოს რუსეთთან და ბელარუსთან ერთობლივ წვრთნებში მონაწილეობისგან. ამის შესახებ„დოიჩე ველე“ იუწყება.
ამავე ინფორმაციის მიხედვით, სერბეთი 6 თვის განმავლობაში არცერთ სხვა საერთაშორისო წვრთნებში არ მიიღებს მონაწილეობას.
სერბეთს და ბელარუსს შორის კარგი ორმხრივი ურთიერთობებია. 2019 წელს ბელარუსის პრეზიდენტი ბელგრადში ოფიციალური ვიზიტით იმყოფებოდა. ამასთანავე სერბეთს სურს ევროკავშირის წევრობა და მან ბელარუსში 9 აგვისტოს გამართული საპრეზიდენტი არჩევნების შედეგები არ აღიარა.
სამხედრო წვრთნები „სლავური ძმობა -2020“ ბელარუსში 10-15 სექტემბერს უნდა გამართულიყო.
