მთავარი

ძიება

ვიდეო

ქვიზები

კონტაქტი

სომხეთ-აზერბაიჯანის საზღვარზე საომარი მოქმედებები განახლდა

აზერბაიჯან-სომხეთის ომი

სომხეთისა და აზერბაიჯანის საზღვარზე ვითარება კვლავ უკიდურესად დაიძაბა. ინფორმაციას აზერბაიჯანული გამოცემა apa ავრცელებს.

აზერბაიჯანის პრეზიდენტის თანაშემწე ხიკმეთ გაჯიევი აცხადებს, რომ სომხეთის შეიარაღებულმა ძალებმა დასახლებულ პუნქტებსა და არმიაზე მიიტანა იერიში.

გაჯიევის ინფორმაციით, დაპირისპირების შედეგად არიან გარდაცვლილებიც და დაჭრილებიც.

მიმდინარე დაპირისპირებას გამოეხმაურა სომხეთის პრემიერ-მინისტრი ნიკოლ ფაშინიანი. ფაშინიანის თქმით, მტერი პირდაპირ შეტევაზე გადავიდა.

ფაშინიანის ინფორმაციით, სომხური არმია წარმატებით უმკლავდება შეტევას.

„დავდგეთ ერთად ჩვენი სამშობლოს პოზიციების დასაცავად“, - აცხადებს ფაშინიანი.

ინფორმაციისთვის, სომხეთსა და აზერბაიჯანს შორის 1 საუკუნეზე მეტი ხნის წინ დაწყებული კონფლიქტი ჯერ კიდევ საბჭოთა პერიოდში 1988 წელს განახლდა. იმპერიის დაშლის შემდეგ კი კონფლიქტი სრულმასშტაბიან ომში გადაიზარდა. სომხეთმა რუსეთის ირიბი დახმარებით ყარაბაღის დაკავება მოახერხა. აზერბაიჯანი მას დღემდე ოკუპირებულ ტერიტორიად მიიჩნევს. ცეცხლის შეწყვეტის ხელშეკრულებას ხელი 1994 წელს მოეწერა, თუმცა ამ დოკუმენტს მშვიდობა არ მოუტანია. 1994 წლიდან დღემდე რეგიონში სროლებს ორივე მხრიდან 3500 სამხედრო და სამოქალაქო პირი ემსხვერპლა. იქამდე 1988-1994 წლებში შეიარაღებულ კონფლიქტს 38 000 ადამიანი შეეწირა.