ტრამპი: 20 იანვარს ხელისუფლების ორგანიზებულად გადაბარება მოხდება
1610012921
აშშ-ის მოქმედი პრეზიდენტი დონალდ ტრამპი ჯო ბაიდენისთვის ხელისუფლების გადაცემას დათანხმდა.
ტრამპის განცხადებით, მიუხედავად იმისა, რომ არჩევნების შედეგებს არ ეთანხმება, მზად არის არჩეულ პრეზიდენტ ბაიდენს ხელისუფლება ორგანიზებულად გადასცეს.
„მიუხედავად იმისა, რომ საერთოდ არ ვეთანხმები არჩევნების შედეგებს და ფაქტები ჩემ განცხადებას ამტკიცებს, ამის მიუხედავად, 20 იანვარს ორგანიზებული გადასვლა მოხდება. ყოველთვის ვამბობდი, რომ გავაგრძელებთ ბრძოლას, რომ მხოლოდ კანონიერი ხმების დათვლა მოხდეს“, - აცხადებს ტრამპი.
აღსანიშნავია, რომ დღეს 7 იანვარს ამერიკის კონგრესმა ჯო ბაიდენის გამარჯვება ოფიციალურად დაადასტურა.
ინფორმაციისთვის, 6 იანვარს აშშ-ში კონგრესმენების მიერ საარჩევნო ხმების დათვლასა და გადამოწმებას ტრამპის მომხრეების პროტესტი მოჰყვა.
დონალდ ტრამპის მხარდამჭერები კაპიტოლიუმში შეიჭრნენ და პროცესი შეაფერხეს.
კონგრესში მიმდინარე სხდომა შეჩერდა. ვაშინგტონში, კაპიტოლიუმის შენობიდან ვიცე-პრეზიდენტის, მაიკ პენსის ევაკუაცია განხორციელდა, სადაც მან სპეციალური სხდომა გახსნა.
აგრეთვე დაგაინტერესებთ:
