ტროპიკულმა გრიგალმა „სალიმ“ აშშ-ის ფლორიდის და ალაბამას შტატებს მნიშვნელოვანი ზიანი მიაყენა. დატბორილია ქუჩები, ათასობით სახლი, 500 ათასზე მეტი ადამიანი ელექტროენერგიის გარეშე დარჩა.
მექსიკის ყურეში რამდენიმე ჭაბურღილმა მუშაობა შეაჩერა. ამჟამად „სალი“ ჩრდილო-აღმოსავლეთით მოძრაობს 11 კმ/სთ-ის სიჩქარით.
შეერთებულ შტატებში ატლანტიკური გრიგალების სეზონი, როგორც წესი, ივნისიდან ნოემბრამდე გრძელდება.