ცენტრალურ ამერიკაში 700-ზე მეტი ბოროტმოქმედი დააკავეს
1606562748
ცენტრალური ამერიკის რეგიონში, სალვადორში, გვატემალასა და ჰონდურასში მასშტაბური სპეცოპერაცია ჩატარდა. რამდენიმე დღეში ამ ქვეყნებში საერთაშორისო დანაშაულებრივი დაჯგუფებების 700-ზე მეტი წევრი დააკავეს. ამის შესახებ Reuters იუწყება.
დაკავებულებს ბრალი ედებათ ტერორიზმში, მკვლელობებში, გამოძალვაში, ადამიანების გატაცებაში და მათ კონტრაბანდაში და ფულის გათეთრებაში. დაკავებულთა შორის პოლიციელებიც არიან.
სპეცოპერაცია აშშ-ის იუსტიციის სამინისტროსთან ერთობლივად ჩატარდა. ამჟამად განგსტერული ქსელის სხვა წევრების ძებნის და დაკავების ოპერაცია მიმდინარეობს.
