თურქეთში სპეციალისტებმა აზიური ვეფხვისებრი კოღოს გავრცელება დააფიქსირეს. აქამდე ამ ტიპის კოღო თურქეთის ტერიტორიაზე არ გამოჩენილა. მეცნიერები აცხადებენ, რომ ეს კოღო ძალზე აგრესიულია და მას ყვითელი ციებ-ცხელების და ზიკას ვირუსის გადატანა შეუძლია.
გამოცემა HabberTurk-ის ინფორმაციით, მწერების დიდი რაოდენობა სტამბულის რამდენიმე რაიონში აღმოაჩინეს. ვეფხვისებრი კოღო ადამიანს მთელი დღის განმავლობაში ესხმის თავს. დაავადებების გადატანის გარდა, კოღოს ნაკბენი იმითაც არის საშიში, რომ ალერგიულ რეაქციას იწვევს.