უცხოეთი

უკონკურენტოდ - BBC საქართველოში არჩევნების მეორე ტურს ეხმაურება

BBC საქარტველოს არჩევნებზე
1605960102
დაკოპირებულია

BBC საქართველოში არჩევნების მეორე ტურს ეხმაურება. არჩევნები უკონკურენტოდ ტარდება, რადგანაც ოპოზიციურმა პარტიებმა საპარლამენტო არჩევნების მეორე ტურში მონაწილეობაზე უარი განაცხადეს. არჩევნები 17 მაჟორიტარულ ოლქში ტარდება, თითოეულ ოლქში 2-2 კანდიდატია, მაგრამ ოპოზიციის წარმომადგენელთა სახელები საარჩევნო ბიულეტენებში - მხოლოდ ფორმალობაა - წერს BBC. 

მაჟორიტარული არჩევნები საერთო ჯამში 30 ოლქში ჩატარდა. ცენტრალური საარჩევნო კომისიის ინფორმაციით, 13 ოლქში პირველივე ტურში მმართველი პარტიის კანდიდატებმა გაიმარჯვეს.

საქართველოს პრემიერ-მინისტრმა გიორგი გახარიამ მეორე ტურს ძალზე მნიშვნელოვანი უწოდა. მან აღნიშნა, რომ 31 ოქტომბრის არჩევნების შედეგების მიხედვით, პარლამენტში 9 პარტია შედის.

„უნდა მივხვდეთ, რომ ქვეყნის სტაბილური განვითარების გაგრძელება, სტაბილური პოლიტიკური პროცესი ძალზე მნიშვნელოვანია იმ გამოწვევების დროს, რაც ამჟამად არსებობს. პირველ რიგში, ეს გლობალური პანდემიაა, ეკონომიკური კრიზისი და რეგიონული კონფლიქტები“ - განაცხადა გახარიამ.

BBC-ს ინფორმაციით, საპარლამენტო არჩევნების მეორე ტურის ბოიკოტის თაობაზე და 31 ოქტომბრის არჩევნების ფალსიფიკაციის შესახებ ოპოზიციის განცხადებებზე პრემიერს კომენტარი არ გაუკეთებია. ცენტრალური საარჩევნო კომისიის ინფორმაციით, არჩევნებში „ქართულმა ოცნებამ“ ხმათა უმრავლესობა მიიღო.

ცესკოს ინფორმაციით, „ქართული ოცნება - დემოკრატიულმა საქართველომ“ ამომრჩეველთა ხმების 48% მიიღო, ხოლო მეორე ადგილზე გასულმა „ერთიანმა ნაციონალურმა მოძრაობამ - ძალა ერთობაშია“ – 27%. პარლამენტში კიდევ 7 ოპოზიციური პარტია მოხვდა, მაგრამ ყველამ 4%-ზე ნაკლები აიღო.

ყველა ოპოზიციურმა პარტიამ არჩევნების შედეგები არ ცნო და ხელახალი არჩევნების ჩატარებას ითხოვს - წერს BBC.

„მოვუწოდებთ ჩვენს ამომრჩეველს არ წავიდეს არჩევნებზე, ვინაიდან ჩვენ მეორე ტურსაც ბოიკოტს ვუცხადებთ“ - განაცხადა „ერთიანი ნაციონალური მოძრაობის“ წარმომადგენელმა ხატია დეკანოიძემ.

ამასთანავე, კონსტიტუციონალისტი ექსპერტების აზრით, ოპოზიციის ბოიკოტი ფორმალურად საკანონმდებლო ორგანოს ფუნქციონირებას ხელს არ შეუშლის. მმართველი პარტია სესიის ჩასატარებლად საკმარის მანდატს მიიღებს და მთავრობის დაკომპლექტებას შეძლებს.

BBC იუწყება, რომ თუ ოპოზიცია გადაწყვეტილებას არ შეცვლის, პირველად დამოუკიდებელი საქართველოს ისტორიაში ქვეყანაში ერთპარტიული პარლამენტი იქნება.

„სამართლებრივი თვალსაზრისით, პრობლემები არ იქნება. რაც შეეხება პოლიტიკურ ლეგიტიმაციას, რასაკვირველია, ერთპარტიული პარლამენტი „ქართულ ოცნებას“ გარკვეულ დისკომფორტს შეუქმნის და ის ამ საკითხის დაბალანსებას შეეცდება“ - განაცხადა ახალგაზრდა იურისტთა ასოციაციის წარმომადგენელმა ვახუშტი მენაბდემ.

სტრატეგიული ანალიზის ცენტრის ექსპერტს ხათუნა ლაგაზიძეს მიაჩნია, რომ ერთპარტიული პარლამენტი საქართველოში, რომელსაც რეგიონში დემოკრატიის შუქურად მოიხსენიებდნენ, მმართველი პარტიისთვის განაჩენი იქნება.

მაშინ როდესაც ექსპერტთა უმრავლესობა ოპოზიციის მიერ ბოიკოტის ფორმატს და პარლამენტში შესვლაზე უარს გაუმართლებელ ნაბიჯს უწოდებს, ლაგაზიძე ამას ერთადერთ ეფექტიან გადაწყვეტილებას უწოდებს, ვინაიდან „ქართული ოცნება“ მნიშვნელოვან საკითხებზე მრავალპარტიული დიალოგის ფორმატს არ ეთანხმება. „ოპოზიციამ იმდენი ხმა მოიპოვა, რომ ნებისმიერ ნორმალურ დემოკრატიულ ქვეყანაში ხელისუფლება კომპრომისზე და ოპოზიციასთან დიალოგზე წავიდოდა, საქართველოში კი „ქართული ოცნების“ პირობებში ამის წარმოდგენა ძალზე რთულია“ - აცხადებს ლაგაზიძე.

მას მიაჩნია, რომ პარლამენტში შესვლაზე უარი ოპოზიციისთვის გარკვეულ რისკს შეიცავს, მაგრამ თანხმობის შემთვევაში ოპოზიციურმა პარტიებმა შეიძლება გაცილებით მეტი დაკარგონ:

„ოპოზიციის მარგინალიზაციის რისკი ძალზე მაღალია იმისთვის, ვინც პარლამენტში შესვლას დათანხმდება, მაგრამ პარლამენტს გარეთ დარჩენილებსაც ემუქრება მარგინალიზაციაა. თუ დიალოგი მაინც შედგა, ერთადერთი რაც ოპოზიციასაც და ხელისუფლებასაც სახის შენარჩუნების საშუალებას მისცემს, რიგგარეშე არჩევნებია, და არა განმეორებითი არჩევნები“ - აცხადებს ლაგაზიძე.

მისი თქმით, განმეორებითი არჩევნების დანიშვნის შემთხვევაში ხელისუფლება ირიბად აღიარებდა, რომ 31 ოქტომბრის არჩევნები გაყალბდა.

„რიგგარეშე არჩევნების დანიშვნის შემთხვევაში კი ხელისუფლება არჩევნების ფალსიფიკაციას არ აღიარებს და მას შეუძლიათ იამაყოს ქვეყნის შიგნითაც და მის ფარგლებს გარეთაც იმით, რომ ოპოზიციასთან სათანამშრომლოდ მნიშვნელოვანი ნაბიჯები გადადგა. რიგგარეშე არჩევნების დანიშვნის შემთხვევაში ოპოზიციაც პლიუსში დარჩება, რადგანაც მანაც გარკვეულ შედეგს მიაღწია“ - განაცხადა ექსპერტმა.

ერთ-ერთ ვარიანტად ექსპერტს მიაჩნია რიგგარეშე არჩევნების ჩატარება მომავალი წლის შემოდგომაზე, ადგილობრივი თვითმმართველობის არჩევნებთან ერთად. თუმცა, ამ დროისთვის, ხელისუფლების მხრიდან ამ ტიპის კომპრომისისთვის მზადყოფნა არ ჩანს.

„მოლაპარაკების თემა არჩევნებზე ქართველი ხალხის ნების გადახედვა ვერ იქნება. მივმართავ ჩვენს ამომრჩეველს და ოპონენტებს - მათ მიიღეს გადაწყვეტილება ხმათა უმრავლესობით და ამის გადახედვას, ახალი არჩევნების ჩატარებას და ამ არჩევანის ეჭვქვეშ დაყენებას არავინ აპირებს“ - განაცხადა „ქართული ონების“ ერთ-ერთმა ლიდერმა მამუკა მდინარაძემ.

მმართველი პარტიის წარმომადგენლებს საერთაშორისო დამკვირვებლების დასკვნები მოჰყავთ, რომელთა შეფასებით, გარკვეული ხარვეზების მიუხედავად, არჩევნები კონკურენტული იყო და ის ფუნდამენტური უფლებების დაცვით ჩატარდა - წერს BBC.

თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, რა თქმა უნდა, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა. 

1611649097

„თუ დადებითობის მაჩვენებელი 4 პროცენტზე მეტია ყველანაირი საუბარი ნორმალურ ეკონომიკურ ფუნქციონირებაზე არის ჭორაობა და მეტი არაფერი, ან სურვილები, რომლის მიღმაც არანაირი მეცნიერულად დასაბუთებული არგუმენტები არ არსებობს მას შემდგომ, რაც გავაკეთეთ მიზნობრივი შეზღუდვები, დადებითობის მაჩვენებელი სულ უფრო და უფრო მოდის ქვემოთ“,- ამის შესახებ პრემიერ-მინისტრმა გიორგი გახარიამ  უწყებათაშორის საბჭოს სხდომაზე განაცხადა.

1611649069

ბაქოს შემოგარენში, საცხოვრებელ კორპუსში მომხდარ აფეთქებას მსხვერპლი მოჰყვა. მაშველებმა ნანგრევებში ქალის ცხედარი აღმოაჩინეს. ამის შესახებ „სპუტნიკი“ იუწყება. 

1611648402

„შემდგომი ყველაზე მნიშვნელოვანი ნაბიჯი, რომელიც საქართველოს მთავრობას მოუწევს გადადგას, ეს არის რა თქმა უნდა განათლების და პირველ რიგში დაწყებითი განათლების დაწესებულებების გახსნა“, - ამის შესახებ პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს სხდომაზე განაცხადა.

1611648212
რუსების მიერ
განხორციელებული
კიბერთავდასხმა

როგორ დავიცვათ თავი კიბერთაღლითობისგან ? - სა...

საქართველოს საბანკო ასოციაცია ინტერნეტ და მობაილბანკის მომხმარებლებს კიბერთაღლითობის შემთხვევების თავიდან აცილების მიზნით რჩევებს უზიარებს. 

1611644670
საქართველოში კორონავირუსით კიდევ 25 ადამ...

ბოლო 24 საათში საქართველოში კორონავირუსით გარდაცვალების 25 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში  3 096 პირი ემსხვერპლა.

პოლიციამ მოქმედი რეგულაციების დარღვევის...

შინაგან საქმეთა სამინისტროს შესაბამისი დანაყოფების თანამშრომლები, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებენ. ამის შესახებ ინფორმაციას შსს ავრცელებს. 

ჯივიპი დღეს, 26 იანვარს ღრმაღელე-სამგორი...

დღეს,  26 იანვარს, ჯორჯიან უოთერ ენდ ფაური ღრმაღელე-სამგორის წყალგამტარ გვირაბზე, წყალმომარაგების სტაბილურობის მიზნით, აუცილებელ ტექნიკურ სამუშაოებს იწყებს. ამის შესახებ ინფორმაციას ჯივიპის საზოგადოებასთან ურთიერთობის სამსახურის წარმომადგენელი ავრცელებს.