უკრაინამ კორონავირუსის საწინააღმდეგო ვაქცინის ფაიზერის 10 მლნ დოზის მიღების შესახებ ხელშეკრულებას ხელი მოაწერა. აღნიშნულის შესახებ ინფორმაციას უკრაინული გამოცემა Unian-ი ავრცელებს.
„დღეს ძალიან მნიშვნელოვანი დღეა უკრაინისა და უკრაინელებისთვის. დღეს ჩვენ საბოლოოდ გავაფორმეთ მნიშვნელოვანი ხელშეკრულება Pfizer–თან, რომ უზრუნველვყოთ Pfizer-ის ვაქცინის 10 მილიონი დოზის მიღება.
ამის გაკეთება არ იყო იოლი, მაგრამ Pfizer–ის აღმასრულებელ დირექტორთან საუბრის წყალობით შესაძლებელი გახდა ხელშეკრულების გაფორმება. მან პირობა დადო, რომ ჩვენთვის შეუძლებელსაც გააკეთებდა“, - განაცხადა ზელენსკიმ.
ინფორმაციისთვის, უკრაინაში კოვიდვაქცინაცია 24 თებერვალს დაიწყო. უკრაინაში ვაქცინაცია CoviShield-ის ვაქცინით მიმდინარეობს. აღნიშნული ვაქცინა ლიცენზირებულია ინდოეთის სერუმ ინსტიტუტის მიერ.
ამავე თემაზე: