ბოლო 24 საათში კორონავირუსის 823 ახალი შემთხვევა და 22 ლეტალური ფაქტი - ასეთია კოვიდსიტუაცია უკრაინაში. ამის შესახებ ინფორმაციას უკრაინული მედია ქვეყნის ჯანდაცვის უწყებაზე დაყრდნობით იუწყება.
ბოლო დღე-ღამეში კორონავირუსის ყველაზე მეტი შემთხვევა კვლავ ლვოვის ოლქში გამოვლინდა, სადაც ინფექცია 128 ადამიანს დაუდასტურდა.
5 ივლისის მდგომარეობით, უკრაინაში კოვიდ-19-ის 48 500 შემთხვევაა რეგისტრირებული. გარდაცვლილთა საერთო რიცხვი 1 249-ს შეადგენს. ბოლო 24 საათის განმავლობაში გამოჯანმრთელებულთა რიცხვი 221-ით გაიზარდა და ჯამში 21 376 შეადგინა.
ცნობისთვის, კორონავირუსი პირველად ჩინეთში, უჰანის პროვინციაში 2019 წლის დეკემბერში გამოვლინდა. 21 იანვარს ჩინეთის ხელისუფლებამ დაადასტურა ინფორმაცია, რომ ვირუსი გადამდებია. COVID-19-მა მოიცვა 213 ქვეყანა.
11 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა. კოვიდინფექციით ინფიცირების ზრდის მაჩვენებლის მიხედვით კვლავ აშშ ლიდერობს, მეორე პოზიციას-ბრაზილია, ხოლო მესამეს რუსეთის ფედერაცია იკავებს.