უკრაინაში კორონავირუსით ინფიცირების შემთხვევები 21 ათასს აღემატება.
აღნიშნულის შესახებ ინფორმაციას unian ავრცელებს. გამოცემის ცნობით, ბოლო 24 საათის განმავლობაში კორონავირუსი 259 ადამიანს დაუდგინდა, ხოლო გარდაცვალების 6 ახალი შემთხვევა დაფიქსირდა. გარდაცვლილთა საერთო რაოდენობა 623-მდე გაიზარდა. რაც შეეხება განკურნებულებს, კოვიდ-19-ის დამარცხება უკრაინაში ეპიდემიის დაწყებიდან დღემდე 7234-მა ადამიანმა შეძლო.
11 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა. კოვიდინფექციამ 210 ქვეყანა მოიცვა. ინდფიცირების ყველაზე მაღალი მაჩვენებელი ფიქსირდება ამერიკის შეერთებულ შტატებში, ბრაზილიასა და რუსეთის ფედერაციაში.