ბიზნესი

22 ივლისს „ჰელფინგ ჰენდის“ საგანმანათლებლო პროექტის შემაჯამებელი კონფერენცია გაიმართება

ჰელფინგ ჰენდი
1658404362
დაკოპირებულია

22 ივლისს, 15:00 საათზე „ჰელფინგ ჰენდის“ საგანმანათლებლო პროექტის შემაჯამებელი ონლაინ კონფერენცია გაიმართება.

პროექტი „ციფრული ტექნოლოგიები სოციალური გამოწვევების საპასუხოდ საქართველოში“ მთელი ქვეყნის მასშტაბით 25 სკოლასა და უნივერსიტეტში განხორციელდა, პროექტში 600-ზე მეტი ახალგაზრდა ჩაერთო მათ შორის საზღვრისპირა და ეთნიკური უმცირესობებით დასახლებული სოფლებიდან.
 
პროექტის მიზანი იყო: 16-დან 29 წლამდე ახალგაზრდების გაძლიერება ციფრული უნარების გზით, რაც მათ მომავალში სოციალური ცვლილებების მიღწევასა თუ დეზინფორმაციის იდენტიფიცირებაში დაეხმარება.
 
არასამთავრობო ორგანიზაცია „ჰელფინგ ჰენდმა“ პროექტი განათლებისა და მეცნიერების სამინისტროსთან თანამშრომლობით  და საერთაშორისო ფონდ WACC -ის ფინანსური მხარდაჭერით განახორციელა.
 
შემაჯამებელ ღონისძიებაზე ისაუბრებენ პროექტის ფარგლებში განხორციელებულ პროგრამებზე, გამოწვევებსა და მიღწეულ შედეგებზე, კონფერენციის ბოლოს პროექტის მონაწილეებსა და პარტნიორ  სკოლებს/უნივერსიტეტებს სერტიფიკატები გადაეცემათ.