ბიზნესი

„VTB ბანკის ყიდვასთან დაკავშირებით ნებართვის არცერთი მოთხოვნა არ შემოსულა“ - ეროვნული ბანკი

საქართველოს ეროვნული ბანკი
1658740799
დაკოპირებულია

საქართველოს ეროვნული ბანკი VTB ბანკთან დაკავშირებით განცხადებას ავრცელებს. 

„ჩვენთვის ცნობილია, რომ ვითიბი ბანკის ყიდვასთან დაკავშირებით არაერთი ინტერესი არსებობს, თუმცა ოფიციალურად ეროვნულ ბანკში ნებართვის არცერთი მოთხოვნა არ შემოსულა. საჯაროდ კონკრეტული კომპანიებისა და გვარების გაცხადების უფლება ამ ეტაპზე არ გვაქვს.

თუმცა შეგვიძლია დაგარწმუნოთ, რომ ნებისმიერი გარიგება მოხდება გამჭვირვალედ, მხოლოდ და მხოლოდ საერთაშორისო სანქციების მოთხოვნებისა და მოქმედი კანონმდებლობის სრული დაცვით.

გამომდინარე იქიდან, რომ ვითიბი ბანკი არის სანქცირებული აშშ ხაზინის დეპარტამენტის მიერ, შესაბამისად, მის ყიდვა-გაყიდვასთან დაკავშირებული ნებისმიერი გარიგება მხარეებმა უნდა შეათანხმონ აშშ ხაზინის დეპარტამენტთან. ეროვნული ბანკი მხოლოდ ამ თანხმობის შემთხვევაში გასცემს თანხმობას ტრანზაქციაზე“, - აღნიშნულია განცხადებაში. 

ცნობისთვის, გავრცელებული ინფორმაციით, ბიზნესმენი დავით ხიდაშელი VTB BANK Georgia-ს ყიდვას გეგმავს.