ახალი რვა შემთხვევიდან ხუთ ადამიანს კორონავირუსი თვითიზოლაციის დროს გამოუვლინდა

ინფექციური საავადმყოფოს დირექტორის ამირან ცერცვაძის განცხადებით, რვა ახალი შემთხვევიდან ხუთ ადამიანს კორონავირუსი თვითიზოლაციის დროს გამოუვლინდა.

"ბოლო ერთ საათში დრამატულად შეიცვალა სიტუაცია და 8 ახალი შემთხვევა დაფიქსირდა. ერთი მათგანი არის პიროვნება, რომელიც კონტაქტში იმყოფებოდა პაციენტ ნომერ ხუთთან. ის თავის მოვალეობას ასრულებდა, რაშიც გასამრჯელო აიღო და ვარაუდობს, რომ მას ვირუსი ფულისგან გადედო. ხოლო კორონავირუსი ასევე 5 იმ ადამიანს გამოუვლინდა, რომლებიც თვითიზოლაციაში იმყოფებოდნენ და რამდნეიმე დღის წინ ვირუსი არ დაუდასტურდათ. მათ კონტაქტი ჰქონდათ ინფიცირებულ ქალბატონთან, რომელიც ჩვენთან მე-8 დღეა წევს. ახლა გყვავს ორი დიდი ჯგუფი რომელმაც იმოგზაურა იტალიაში",- განაცხადა თენგიზ ცერცვაძემ.

მისი თქმით, ჯერ უცნობია რამდენად ასრულებდა უკვე დადასტურებულად ინფიცირებული 5 ადამიანი თვითიზოლაციის წესებს და ახლა მიმდინარეობს მათი კონტაქტების კვლევა.

ცნობისთვის, საქართველოში კორონავირუსის 8 ახალი შემთხვევა დადასტურდა. ამის შესახებ ინფორმაცია კორონავირუსის საქართველოში გავრცელების პრევენციისთვის შექმნილ ვებ-გვერდზე stopcov.gov.ge-ზე გამოქვეყნდა.

ამ დროისთვის ქვეყანაში კორონავირუსით ინფიცირებულთა რიცხვი 23-ს აღწევს. კარანტინში 126 ადამიანი იმყოფება, ხოლო კლინიკაში მეთვალყირეობის ქვეშ 46 პაციენტი რჩება.