EMA-მ „ასტრაზენეკას“ანტისხეულების ახალი პრეპარატის შეფასება დაიწყო
1634274841
ევროკავშირის მარეგულირებელმა, ევროპის წამლის სააგენტომ განაცხადა, რომ „ასტრაზენეკას“ ანტისხეულების ახალი პრეპარატის შეფასება დაიწყო.
„ევროპის წამლის სააგენტო პრეპარატის ხარისხის, უსაფრთხოებისა და ეფექტურობის შესახებ უფრო მეტ მონაცემს შეაფასებს, როგორც კი ის ხელმისაწვდომი გახდება“, - აღნიშნულია მარეგულირებლის განცხადებაში.
მოლაპარაკებები Evusheld–ის მიწოდებასთან დაკავშირებით, რომელიც, ასევე, ცნობილია როგორც AZD7442, მიმდინარეობს შეერთებულ შტატებთან.
ორი ანტისხეულის კომბინაციით შექმნილმა წამალმა სახელწოდებით AZD7442, კორონავირუსის მძიმე ფორმის და სიკვდილიანობის განვითარების რისკი 50%-ით შეამცირა იმ პაციენტებში, რომლებსაც სიმპტომები 7 ან ნაკლები დღის განმავლობაში ჰქონდათ.
„ანტისხეულების პრეპარატით ადრეულ ჩარევას მნიშვნელოვნად შეუძლია შეამციროს მძიმე დაავადების პროგრესირება, ამასთან, ის დაცვას ექვს თვეზე მეტი პერიოდის განმავლობაში უზრუნველყოფს“, - განაცხადა მენე პანგალოსმა „ასტრაზენეკას“ აღმასრულებელმა პრეზიდენტმა.
აგრეთვე წაიკითხეთ: 👇
👉 ნიდერლანდებში COVID-19-ის წამალი შექმნეს
👉 „ფაიზერმა Covid 19–ის პერორალური ანტივირუსული პრეპარატის დოზირების გამოცდა დაიწყო“ - ზაზა წერეთელი
