ევროპის წამლის სააგენტო „ფაიზერის“ ვაქცინის მესამე დოზის გამოყენებაზე გადაწყვეტილებას 4 ოქტომბერს მიიღებს
1632936174
ევროპის წამლის სააგენტო (EMA) 4 ოქტომბერს გადაწყვეტს, დაამტკიცოს თუ არა COVID 19-ის საწინააღმდეგო „ფაიზერის“ ვაქცინის მესამე დოზა, თუმცა ნაკლებად სავარაუდოა, რომ მას მიეცეს ზუსტი მითითება თუ ვინ უნდა მიიღოს ვაქცინა. ინფორმაციას Reuters-ი ავრცელებს.
თუ ევროპის წამლების სააგენტო (EMA) მხარს დაუჭერს აღნიშნულ გადაწყვეტილებას, 27 წევრიანი ბლოკი შეუერთდება აშშ-ის, ბრიტანეთსა და ისრაელს, რომლებმაც უკვე მწვანე შუქი აუნთეს მესამე დოზის მიღებას, მიუხედავად მეცნიერებს შორის გარკვეული აზრთა სხვადასხვაობისა.
„4 ოქტომბერს EMA გამოაქვეყნებს გადაწყვეტილებას ფართო მოსახლეობისთვის „ფაიზერის“ გამაძლიერებელი მესამე დოზის მიღების საჭიროების შესახებ“, - განაცხადა ევროპის წამლების სააგენტოს ხელმძღვანელმა ემერ კუკმა.
ევროკავშირის ათზე მეტმა ქვეყანამ უკვე დაიწყო „ფაიზერის“ მესამე დოზის ადმინისტრირება ოფიციალური EMA-ს მხარდაჭერის გარეშე.
ევროპის წამლის სააგენტოს ოფიციალური თანხმობა უზრუნველყოფს ამ ქვეყნების მიერ მიღებული გადაწყვეტილების იურიდიულ დაცვას და ამან შეიძლება განაპირობოს, რომ სხვა ქვეყნებმაც შეიტანონ დღის წესრიგში გამაძლიერებელი დოზების მიღება კორონავირუსის დელტას ვარიანტთან საბრძოლველად.
აგვისტოში, EMA–მ აღნიშნა, რომ არ იყო საკმარისი მონაცემები ვაქცინის გამაძლიერებელი დოზის გამოყენების რეკომენდაციისთვის და ჯანდაცვის მსოფლიო ორგანიზაციამ მოუწოდა, შეჩერდეს მესამე დოზის მიღების გადაწყვეტილება, სანამ მსოფლიოს მეტი ადამიანი არ ეყოლებოდა აცრილი.
ინფორმაციისათვის, აშშ-ის სურსათისა და წამლის ადმინისტრაციამ კორონავირუსის საწინააღმდეგო ვაქცინის მწარმოებელ Pfizer BioNTech-ის ვაქცინის მესამე დოზა 65 წელზე უფროსი ასაკის ადამიანებისთვის და დაავადების მაღალი რისკის მქონე პირებისათვის დაამტკიცა.
იხილეთ აგრეთვე:
