ხვალიდან საქართველოს საჰაერო სივრცე სრულად ჩაიკეტება

"მიღებულ იქნა გადაწყვეტილება, რომ ხვალიდან საქართველოში ავიამიმოსვლა სრულად შეწყდება და განხორციელდება მხოლოდ ის რეისები, რომელიც წარმოებულია საქართველოს ავიახაზების მიერ და კოორდინაციაშია საქართველოს მთავრობასთან",-ამის შესახებ პრემიერ-მინისტრის პრესსპიკერმა ირაკლი ჩიქოვანმა მთავრობის ადმინისტრაციაში გამართულ ბრიფინგზე განაცხადა.

მისი თქმით ყველა ადამიანი, ვინც ქვეყანაში შემოვა, საკარანტინო ზონებში გადავა.

"მიუხედავად იმისა, რომელი ქვეყნიდან შემოვლენ მგზავრები, ისინი გადაინაცვლებენ საკარანტინო ზონებში",-აღნიშნა ირაკლი ჩიქოვანმა.

შეგახსენებთ, რომ საქართველოში კორონავირუსით ინფიცირებულთა რიცხვი 43-მდე გაიზარდა, საკარანტინო ზონებში 1925 ადამიანი იმყოფება, ხოლო ექიმები კლინიკებში 271 პაციენტს აკვირდებიან.