ალერგოლოგ-იმუნოლოგმა ბიძინა კულუმბეგოვმა და ჯანდაცვის მინისტრის მოადგილემ თამარ გაბუნიამ „რუსთავი 2“-ის ეთერში ეპიდემიოლოგიურ მდგომარეობაზე ისაუბრა.
თამარ გაბუნია მოსახლეობას, სიმპტომების შემთხვევაში სახლში დარჩენისკენ და იზოლაციისკენ მოუწოდებს.
„ჰოსპიტალიზაციის შემთხვევები რჩება იგივე დონეზე, რაც იყო 2 კვირის წინ. ასევე, არ იზრდება ინტენსიური თერაპიის განყოფილებაში პაციენტების რაოდენობა. მნიშვნელოვანია წესების დაცვა, თუ ადამიანს აქვს სიმპტომები უნდა დარჩეს სახლში. ეს იქნება ერთ-ერთი გარანტია რომ, ინფექციის სწრაფი გავრცელება არ მივიღოთ“, - აცხადებს თამარ გაბუნია.
ბიძინა კულუმბეგოვის თქმით, აუცილებელია 50 წელს ზემოთ მოსახლეობის ბუსტერიზაცია.
„არის მზარდი ციფრები, არა არის მარტივი სიტუაცია. „ომიკრონს“ დროის მცირე მონაკვეთში, ბევრი ადამიანის ინფიცირება შეუძლია და შესაბამისად, გარკვეულწილად 2-3 კვირის შემდეგ იწყება თავდაღმართი. აუცილებელია ვაქცინაცია და განსაკუთრებით ბუსტერ დოზის გაკეთება. ეს არის გარანტია რომ ინფექციის შემთხვევაში არ მოხვდნენ ჰოსპიტალში და მძიმე შედეგი არ დადგეს“, - აღნიშნავს ბიძინა კულუმბეგოვი.
აგრეთვე წაიკითხეთ:
⚫ „კორონავირუსი არ არის გრიპი, გრიპის შემდეგ სპერმის ხარისხი არ ფუჭდება“ - გიორგი ფხაკაძე
⚫„ომიკრონი“ არის ჩვეულებრივ მიმდინარე სეზონური გრიპი“ - ზურაბ აზარაშვილი
⚫კორონავირუსი გაცილებით დიდი რისკია გულისთვის, ვიდრე ვაქცინაცია - კვლევა
⚫„ანტისხეულების დაბალი დონე უფრო ხშირია მათში, ვისაც ხანგრძლივი კოვიდი განუვითარდა“ - ზაზა წერეთელი
⚫დელტა შტამი უფრო რთულია დასაძლევად ორგანიზმისთვის თუ „ომიკრონი“? - გიორგი ფხაკაძის განმარტება
⚫„ეს წელი იქნება პანდემიის დასრულების წელი“ - თენგიზ ცერცვაძე