COVID-19

მოქმედებს თუ არა ვაქცინაცია მენსტრუალურ ციკლზე და ვირუსის გადაცემაზე? - Aljazeera

მენსტრუალური ციკლის დარღვევა
1634150001
დაკოპირებულია

ზოგიერთი ქალი ექიმებს ეუბნება, რომ მათ ვაქცინაციის შემდეგ მენსტრუალური ციკლის დარღვევა დაუდგინდათ. კვლევების შედეგად ექსპერტებმა აღმოაჩინეს, რომ ფერტილურობაზე ვაქცინაციას ნეგატიური გავლენა არ მოუხდენია და დაორსულება აცრილი და აუცრელი ქალების შემთხვევაში ერთნაირად ხდებოდა. ამის შესახებ Aljazeera იუწყება.

ასევე, დადგინდა, რომ ფაიზერის, მოდერნას და ასტრაზენეკას ვაქცინებით აცრის შემდეგ მენსტრუალური ციკლის დარღვევა არა ვაქცინის გამოყენების, არამედ იმუნური რეაქციის შედეგად ხდებოდა.

ექსპერტები თანხმდებიან, რომ თუ ვაქცინაციის შედეგად მენსტრუალური ციკლის დარღვევის საფრთხე არსებობს, აუცილებელია ამის სასწრაფო შესწავლა, რათა ქალებს ვაქცინაციის მიმართ უნდობლობა არ გაუჩნდეთ. ორსული ქალის ორგანიზმი ხომ ვირუსის მიმართ განსაკუთრებით დაუცველია, ასევე კორონავირუსის საფრთხეს ექიმის მუცლად მყოფ ნაყოფსაც.

იცავს თუ არა ვაქცინები ვირუსის გადაცემისგან?

კვლევებმა აჩვენა, რომ ინფიცირების დროს ვაქცინირებულ და არავაქცინირებულ პირებს ორგანიზმში ვირუსის ერთნაირი რაოდენობა აქვთ, მაგრამ აცრილი პირებისგან ვირუსი ნაკლებად გადაეცემა.

უკვე დიდი ხანია დადგენილია, რომ COVID 19-ის საწინააღმდეგო ვაქცინები სერიოზული დაავადებების და ჰოსპიტალიზაციის რისკს ამცირებს, მაგრამ ბოლო დრომდე ბოლომდე გარკვეული არ იყო, ამცირებს თუ არა ის ვირუსის გადაცემის ალბათობას.

ეს ძალზე მნიშვნელოვანი საკითხია, რადგანაც ამაზე საზოგადოებრივი ჯანდაცვის პოლიტიკაა აწყობილი. ასე, მაგალითად, გაერთიანებულ სამეფოში სოციალური სფეროს პერსონალისთვის სავალდებულო ვაქცინაციის წესი შემოიღეს, რათა რისკის ჯგუფში შემავალი პირები დაიცვან. იტალიაში 15 ოქტომბრიდან სამსახურში ვაქცინაციის, კორონავირუსისგან გამოჯანმრთელების ან ტესტის უარყოფითი პასუხის წარდგენაა აუცილებელი. ვინც ამაზე უარს იტყვის, შეიძლება სამსახური დაკარგოს. სხვა ქვეყნებშიც ანალოგიური ზომების გატარება ხდება.

ოქსფორდის უნივერსიტეტის მიერ ჩატარებულმა კვლევებმა აჩვენა, რომ ორივე ვაქცინა, ფაიზერიც და აზტრაზენეკაც, ნამდვილად დაავადების გადაცემის რისკს ამცირებს.

კვლევების დელტა შტამთან დაკავშირებით ჩატარდა. ექსპერტებმა 150 000 ადამიანის კონტაქტები შეისწავლეს. დაკვირვება როგორც ვაქცინირებულ, ასევე, არავაქცინირებულ პაციენტებზე მიმდინარეობდა.

კვლევებმა აჩვენა, რომ განსაკუთრებით ეფექტიანი ფაიზერის ვაქცინაა, თუმცა ასტრაზენეკაც გადაცემის ალბათობას ამცირებს. ვაქცინირებულ პირებს იმუნური სისტემა ვირუსის ინფიცირებისთვის მზად აქვს და ის უფრო მარტივად და მოკლე დროში მის ამოცნობას და განადგურებას ახერხებს.

ოქსფორდის კვლევებმა აჩვენა, რომ ვაქცინირებული და არავაქცინირებული ადამიანების ორგანიზმში ვირუსის შემცველობა თანაბარია, მაგრამ აცრილისგან ვირუსის გადაცემის ალბათობა ბევრად ნაკლებია.

ამავე კვლევებმა აჩვენა, რომ აცრიდან დაახლოებით 3 თვეში ასტრაზენეკას ვაქცინის მოქმედება სუსტდება. შესაბამისად ვირუსის გადაცემის რისკი იზრდება.

რაც შეეხება ბუსტერულ ვაქცინებს, რომელთა გამოყენება ზოგიერთ ქვეყანაში აქტიურად მიმდინარეობს, ის დაავადების გადაცემის რისკს, ასევე, ამცირებს. ჯერჯერობით უცნობია, რამდენ ხანში შემცირდება ვაქცინის მოქმედება ბუსტერ-აცრის შემდეგ.

ტაბლეტები კორონავირუსის წინააღმდეგ

ფარაცევტულმა კომპანია Merk-მა გაავრცელა ინფორმაცია, რომ ახლო მომავალში COVID 19-ის საწინააღმდეგო ტაბლეტებს გამოუშვებს. ამის შედეგად ჰოსპიტალიზაციის და სიკვდილიანობის საფრთხე ორჯერ შემცირდება.

კვლევებს ჯერჯერობით საექსპერტო შეფასების ეტაპი არ გაუვლია. თუ კვლევები და პროცედურები წარმატებით დასრულდება, ეს პირველი პერორალური ანტივირუსული ტაბლეტი იქნება, რომლის გამოყენება კორონავირუსის საწინააღმდეგო მკურნალობის დროს გამოიყენება.

პრეპარატის გამოყენება სახლის პირობებში იქნება შესაძლებელი, რამაც ჯანდაცვის სისტემაზე ზეწოლა უნდა შეამციროს. ეს ძალზე მნიშვნელოვანია ღარიბ ქვეყნებში, სადაც საავადმყოფოების რაოდენობა მცირეა და მათი შესაძლებლობები - შეზღუდული.

ტაბლეტში აქტიური პრეპარატია მოლნუპირავირი და ის იმდენად ეფექტიანი აღმოჩნდა, რომ კვლევები დროზე ადრე დასრულდა.

ევროპის წამლების სააგენტო პრეპარატის ეფექტიანობას და უსაფრთხოებასთან დაკავშირებულ საკითხებს სწავლობს, მომდევნო დღეებში კი მისი წარმოებისთვის აუცილებელი ლიცენზია გაიცემა.

იხილეთ აგრეთვე:

🔴 უკრაინაში არავაქცინირებულ პედაგოგებს სამსახურიდან გაათავისუფლებენ

🔴 ვისაც ვაქცინაცია არ სურს, ძილში უნდა ავცრათ - ფილიპინების პრეზიდენტი

ა;ერგოლოგ-იმუნოლოგი

როდის უნდა გაკეთდეს ბუსტერ დოზა - ბიძინა კულუმბეგოვის განმარტება

რა დრო უნდა იყოს გასული ინფიცირებიდან და ვაქცინაციიდან, რომ მოქალაქემ ბუსტერ დოზის გაკეთება შეძლოს - ამ კითხვას ექიმი ალერგოლოგ-იმუნოლოგი ბიძინა კულუმბეგოვი პასუხობს.
1643360099
ევროკომისიის თავმჯდომარე ურსულა ფონ დერ ლაიენი უკრაინის წინააღმდეგ რუსეთის აგრესიის შემთხვევაში საერთაშორისო საგადამხდელო სისტემიდან,  SWIFT-დან რუსეთის გათიშვას არ გამორიცხავს. ამის შესახებ ლაიენმა CNN-ის ეთერში განაცხადა. 
1643365218
ბელარუსის პრეზიდენტი ალექსანდრე ლუკაშენკო აცხადებს, რომ მინსკს ომის არანაირი ინტერესი არ აქვს, - ამის შესახებ Reuters-ი იუწყება. 
1643364941
ტაჯიკეთ-ყირგიზეთის საზღვარზე შეტაკებას 2 ადამიანის სიცოცხლე ემსხვერპლა, - ამის შესახებ ინფორმაციას „ალ-ჯაზირა“ ავრცელებს. 
1643364403
ექსპრეზიდენტი მიხეილ სააკაშვილი გორის სამხედრო ჰოსპიტალში მაჯის საათის წართმევის ეპიზოდს კიდევ ერთხელ იხსენებს და აღნიშნავს, რომ კლინიკის დირექტორის მრჩეველი დავით ღონიაშვილი მის მიმართ სიძულვილით გამოირჩეოდა, რის გამოც მას ჩანაწერების შენახვა სთხოვა. 
1643364376
რუსული სამხედრო ხომალდის არტილერია

რუსულმა სამხედრო ხომალდებმა შავ ზღვაში საარტილერიო სწავლებები დაიწყეს

რუსეთმა შავი ზღვის წყლებში სამხედრო ხომალდების საარტილერიო სწავლებები დაიწყო, - ამის შესახებ Reuters იუწყება. 
სტარტაპ პრე-აქსელერატორი 2022 – ახალი შესაძლებლობა სტარტაპებისთვის!
თუკი სტარტაპიდეები გაქვთ და გუნდში ხართ ენთუზიაზმით სავსე ადამიანები, რომლებსაც ერთმანეთის იდეების გჯერათ და განვითარება გჭირდებათ, მაშინ თქვენთვის საინტერესო სიახლეა – Impact Hub Tbilisi იწყებს პრე-აქსელერაციის პროგრამას, რომლის მიზანიც, ადგილობრივი სტარტაპების განვითარების ხელშეწყობაა. პრე-აქსელარორი თიბისის პროგრამა სტარტაპერის მხარდაჭერით იმართება.
მაროკო კოვიდვაქცინის მწარმოებელი ქარხნის მშენებლობას იწყებს
მაროკო შვედურ ფირმა Recipharm-თან პარტნიორობით, COVID 19-ის ვაქცინის მწარმოებელი ქარხნის მშენებლობას იწყებს. ამის შესახებ ინფორმაციას aljazeera ავრცელებს.
პარლამენტის თავმჯდომარე თურქეთის ელჩს შეხვდა
პარლამენტის თავმჯდომარემ, შალვა პაპუაშვილმა თურქეთის რესპუბლიკის საგანგებო და სრულუფლებიან ელჩთან, ფატმა ჯერენ იაზგანთან გაცნობითი ხასიათის შეხვედრა გამართა.