როდესაც ინფექციის თავიდან ასაცილებლად ყველა ინსტრუმენტი გვაქვს, კვირის განმავლობაში 15000 გარდაცვლილი, მაღალი მაჩვენებელია - ტედროს ადანომ გებრეისუსი

1660749557

COVID-19

ჯანდაცვის მსოფლიო ორგანიზაციის ხელმძღვანელის ტედროს ადანომ გებრეისუსის თქმით, მაშინ როდესაც ინფექციის თავიდან ასაცილებლად ყველა ინსტრუმენტი არსებობს, კვირის განმავლობაში 15000 გარდაცვლილი, აბსოლუტურად მიუღებელია.

მისივე თქმით, მსოფლიოში COVID 19-ით სიკვდილიანობის მაჩვენებელი კვლავ სწრაფად გაიზარდა. მხოლოდ ბოლო ოთხი კვირის განმავლობაში, დაღუპულთა რიცხვი 35%-ით გაიზარდა.

„კვირის განმავლობაში გარდაცვალების 15000 შემთხვევა აბსოლუტურად მიუღებელია მაშინ, როდესაც ინფექციის თავიდან ასაცილებლად და სიცოცხლის გადასარჩენად, ყველა ინსტრუმენტი გვაქვს. ჩვენ, ყველანი დავიღალეთ... დავიღალეთ პანდემიით, მაგრამ ეს ვირუსი არ დაღლილა“, - ამბობს ჯანმოს ხელმძღვანელი.

როგორც გებრეისუსმა აღნიშნა, ახლა „ომიკრონი“ კვლავ რჩება დაავადების დომინანტურ შტამად. ამავდროულად, BA.5-ზე მოდის ბოლო თვეში გამოვლენილი შემთხვევების 90%-ზე მეტი.

LIVE: Media briefing on #monkeypox, #COVID19 and other global health issues with @DrTedros https://t.co/p2plhhLCuZ
— World Health Organization (WHO) (@WHO) August 17, 2022