სომხეთიდან დაბრუნებული პირი კარანტინში გადაიყვანეს

აბასთუმნის ფილტვის ცენტრში ერთი პირი შეიყვანეს, რომელიც ორკვირიან საკარანტინე პერიოდს გაივლის. საქართველოს მოქალაქე ქვეყანაში სომხეთიდან დაბრუნდა.

„დაკვირვებისთვის ჩვენთან გადმოიყვანეს. თავს კარგად გრძნობს და მისი მდგომარეობა დამაკმაყოფილებელია. დანარჩენებიც კარგად არიან, ნელ-ნელა ვუშვებთ, ეს დინამიური პროცესია. ხვალაც რამდენიმეს გავწერთ,“ - აცხადებს ფილტვის ცენტრის დირექტორი რევაზ ჟღენტი.

მისი თქმით, აბასთუმნის ფილტვის ცენტრში კარანტინში 15 პირი იმყოფება, საიდანაც ერთი უცხო ქვეყნის მოქალაქეა.

შეგახსენებთ, რომ ამ დროისთვის საკარანტინო ზონაში 439 ადამიანი იმყოფება.