„თუ არ ავიცრებით, ყოველ ორ თვეში გვექნება ასეთი ტალღა“ - ამირან გამყრელიძე
1634464153
საქართველოში კორონავირუსის გავრცელების მეხუთე ტალღის დასაწყისია. ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა.
მისი თქმით, განსაკუთრებით მძიმე ეპიდვითარებაა კახეთში, იმერეთსა და სამეგრელო-ზემო სვანეთში, სადაც აცრის ტემპი დაბალია.
იგი მოქალაქეებს რეგულაციების მაქსიმალური დაცვისკენ მოუწოდებს და აღნიშნავს, რომ თუ აცრასთან ერთად, მოსახლეობა სიფრთხილეს გამოიჩენს, ახალ წლამდე 2000-მდე სიცოცხლე გადარჩება.
„თუ არ ავიცრებით საკუთარი თავისთვის და ერთმანეთისთვის, მაშინ ყოველ ორ თვეში გვექნება ასეთი ტალღა. ხაზს ვუსვამ, თუ დავიცავთ რეკომენდაციებს და ავიცრებით, ახალ წლამდე ჩვენ 2 000 ადამიანის სიცოცხლეს გადავარჩენთ.
ისეთი ტალღა მოდის, რომ თუ შესაბამისი შემაკავებელი ღონისძიებები არ გატარდა, ძალიან მძიმე იქნება ეს ნოემბერი. შემაკავებელ ღონისძიებებში ისევ რეკომენდაციების დაცვას და ვაქცინაციას ვგულისხმობ“, – განაცხადა ამირან გამყრელიძემ.
ეპიდემიოლოგის განმარტებით, 1.8 რეპროდუქციის ინდექსი ძალიან საგანგაშოა, რის გამოც ეპიდსიტუაციის გაუარესება კვლავ მოსალოდნელია.
აგრეთვე დაგაინტერესებთ:👇
👉 „სინოვაკით“ და „სინოფარმით“ აცრილმა 60 წლიდან ზემოთ ასაკის პირებმა მესამე დოზა უნდა მიიღონ - WHO
👉 ორი ვირუსი ერთდროულად სიკვდილის რისკს აორმაგებს - ჯენი ჰარისი
👉 „შესაძლებელია, ეს მეხუთე ტალღის დასაწყისი იყოს“ - თენგიზ ცერცვაძე ეპიდვითარებაზე
👉 ვაქცინები 90%-ით ეფექტიანია კორონავირუსის მძიმე ფორმების წინააღმდეგ - კვლევა
