COVID-19

WHO: კორონავირუსის ვაქცინა არ ნიშნავს ნულოვან ინფიცირებას, ნუ იქნებით თვითკმაყოფილები

ჯანდაცვის მსოფლიო ორგანიზაციის აღმასრულებელი დირექტორი - მაიკ რაიანი
1607196311
დაკოპირებულია

ჯანდაცვის მსოფლიო ორგანიზაცია საზოგადოებას მიმართავს, რომ არ იყვნენ თვითკმაყოფილები კორონავირუსის ვაქცინის არსებობის გამო. ინფორმაციას euronews ავრცელებს.

ამის პარალელურად ჯანმოს გენერალურმა დირექტორმა განცხადება გააკეთა ვაქცინასთან დაკავშირებით.

„ვაქცინის არსებობა ყველას გვაძლიერებს, გვირაბის ბოლოს სინათლის დანახვა შეგვიძლია“, - განაცხადა ტედროს ადანომ გებრეისუსმა.

გამოცემის ცნობით, ჯანმო შიშობს, რომ არსებობს მზარდი აღქმა პანდემიის დასრულების შესახებ.

„სიმართლე ის არის, რომ ახლა ვირუსი ფართოდ გადაიცემა. ეს ყოველივე უზარმაზარ ზეწოლას ახდენს საავადმყოფოებზე, რეანიმაციულ განყოფილებებსა და ექიმებზე“, - აღნიშნულია გამოცემის მიერ გავრცელებულ ინფორმაციაში.

როგორც მაიკ რაიანმა, გაეროს სააგენტოს საგანგებო სიტუაციების ხელმძღვანელმა განაცხადა, ვაქცინა არ ნიშნავს კორონავირუსის ნულოვან შემთხვევებს.

COVID 19 პანდემიად მიმდინარე წლის 11 მარტს გამოცხადდა.