ეკონომიკა

სამარცხვინო იყო ჟურნალისტის პირად მოსაზრებებსა და ტელეკომპანიის პოლიტიკურ დღის წესრიგზე აგებული სიუჟეტი - ეკონომიკისა სამინისტრო

ეკონომიკის სამინისტროს შენობა
1638770790
დაკოპირებულია

ეკონომიკისა და მდგრადი განვითარების სამინისტრო, 3 დეკემბერს, ტელეკომპანია „ტვ პირველის“ მიერ მომზადებული სიუჟეტთან დაკავშირებით განცხადებას ავრცელებს.

„3 დეკემბერს, ტელეკომპანია „ტვ პირველის“ მიერ მომზადებული სიუჟეტი, ჩვენი შეფასებით, ხაზგასმით წარმოაჩენდა ამ ტელეკომპანიის მიკერძოებულ პოლიტიკურ ინტერესს, არასრულად მოპოვებული ინფორმაციის მიზანმიმართულად დამახინჯებულ ინტერპრეტაციას, არაპროფესიონალიზმს,  ჟურნალისტური ეთიკის დარღვევას. სიუჟეტის მომზადებისას ჟურნალისტმა ისარგებლა არა გადამოწმებული ფაქტებით, არამედ საკუთარი შეხედულებებით.

არც მას და არც პროდუსერს არ უცდიათ ინფორმაციის გადამოწმება, ან დამატებითი ინფორმაციის მოპოვება, რომელიც სულ სხვა რეალობას აჩვენებდა სიუჟეტის ავტორს და ტელეკომპანიის წარმომადგენლებს, აგრეთვე, რაც ყველაზე მნიშვნელოვანია, ამ ტელეკომპანიის მაყურებელს, რომელმაც მიუკერძოებელი ჟურნალისტური ნამუშევრის ნაცვლად მიიღო დეზინფორმაცია და სიყალბე.

სიუჟეტში მოყვანილი ფაქტების გადასამოწმებლად ტელეკომპანიის წარმომადგენლებს შეეძლოთ მოემართათ სამინისტროსთვის და მიიღებდნენ დოკუმენტურად დადასტურებულ ინფორმაციას იმის შესახებ, რომ, მაგალითად, იმავე „ვინოტელში,“ რომელიც სიუჟეტში ჩვენი სამინისტროს „განცხრომის“ ადგილად არის წარმოჩენილი და მეტი დამაჯერებლობისთვის კადრში  ერთ-ერთი სადილის ინვოისიც გვაჩვენეს, დოკუმენტში მითითებულ თარიღში ეკონომიკის სამინისტრომ  უმასპინძლა კორეის რესპუბლიკის სახელმწიფო კომპანიის უფროს ვიცე-პრეზიდენტსა  და მის თანმხლებ 15-კაციან დელეგაციას. აქვე აღვნიშნავთ, რომ „ვინოტელში,“ 2021 წლის განმავლობაში, ასევე ვუმასპინძლეთ იაპონიის, იტალიის, ამერიკის, თურქეთის, ყაზახეთის, ინდოეთის, სომხეთის, უკრაინის სხვადასხვა დელეგაციებს, რომლებიც ჩვენს ქვეყანაში საქმიანი ვიზიტებით იმყოფებოდნენ.

კიდევ ერთი ობიექტი, სადაც, ჟურნალისტის შეფასებით, „ეკონომიკის სამინისტრო ათი ათასობით ლარს ხარჯავს ჭამა-სმაში,“

რესტორანი „სირაჯხანა“ აღმოჩნდა, რომელიც შპს „მუზეუმს“ ეკუთვნის. კადრში ჩანს 2021 წლის 21 აპრილით დათარიღებული ინვოისი და წარმოდგენილია ჟურნალისტის შეფასებაც, რომ „ეკონომიკის სამინისტრომ სუფრა თავისთვის გაიშალა.“

რეალურად, 2021 წლის 21 აპრილს, ამ რესტორანში გაიმართა საქმიანი სადილი  უკრაინის ინფრასტრუქტურის მინისტრის პირველი მოადგილისა და  მისი თანმხლები დელეგაციისთვის, რომლებიც ჩვენ ქვეყანაში ვიზიტით იმყოფებოდნენ. მიუხედავად ამისა, სიუჟეტში ნათქვამი იყო აშკარა ტყუილი, რომ რესტორანში, 2019 წლის მერე არც ერთი დელეგაცია თვალით არ უნახავთ.

სიუჟეტში ასევე ნახსენები იყო  რესტორანი „მარანი,“ სადაც, 2021 წლის 13 მაისს,  ეკონომიკის სამინისტრომ სადილი ევროპა-კავკასია-აზიის სატრანსპორტო დერეფნის, ტრასეკას გენერალური მდივნის ვიზიტის ფარგლებში თბილისში მყოფი  სტუმრების გასამასპინძლებლად შეუკვეთა.

აღარ გავყვებით დეტალურად სიუჟეტში ჩამოთვლილ სხვა ბრალდებებს, არც იმ რესტორნების ხარჯებს, რომელთა ჩამონათვალიც რამდენჯერმე მეორდება კადრებში, იმ უბრალო მიზეზის გამო, რომ ყველა ხარჯი არის კანონიერი, ხოლო მათი ამსახველი დოკუმენტაცია თუ მიზნობრიობა  ხელმისაწვდომი და კონტროლირებადია.

ჩვენი განცხადების მიზანია წარმოვაჩინოთ ის ტენდენციურობა, ტყუილი და ცილისწამება, რომელსაც, სამწუხაროდ, არცთუ იშვიათად იყენებს ხოლმე აღნიშნული ტელეკომპანია ხელისუფლების სხვადასხვა უწყების წინააღმდეგ.

კიდევ ერთხელ ვაცხადებთ, რომ სამარცხვინო იყო ჟურნალისტის პირად მოსაზრებებსა და ტელეკომპანიის პოლიტიკურ დღის წესრიგზე აგებული, საზოგადოებაზე მანიპულაციისთვის შექმნილი მესიჯებით აწყობილი სიუჟეტი, რომლის მიზანი ძალიან კარგად არის გასაგები ჩვენთვისაც და დარწმუნებულები ვართ, მაყურებლისთვისაც“, - აღნიშნულია უწყების განცხადებაში.

ალერგოლოგ-იმუნოლოგი ბიძინა კულუმბეგოვი

„განცხადებები, რომ „ომიკრონი“ ფილტვებს არ აზიანებს, მტკნარი სიცრუეა“ -...

ალერგოლოგ იმუნოლოგი ბიძინა კულუმბეგოვი ჯანდაცვის სისტემის პირველად რგოლზე, „ომიკრონით“ ინფიცირების სიმძიმესა და პანდემიის მართვაზე საუბრობს. 
1642516437
ახალქალაქის, კუმურდოსა და კარის მიტროპოლიტის მეუფე ნიკოლოზის თქმით, სასურველია, რომ კოვიდვაქცინით აცრილმა და აუცრელმა ადამიანებმა მშვიდობიანად თანაცხოვრება და ერთმანეთის პატივისცემა შეძლონ. 
1642531011
მიმდინარე წლის 21 იანვარს ჟენევაში რუსეთის საგარეო საქმეთა მინისტრის სერგეი ლავროვისა და ამერიკის შეერთებული შტატების სახელმწიფო მდივნის ენტონი ბლინკენის შეხვედრა გაიმართება. ამის შესახებ ინფორმაციას ria.ru ავრცელებს. 
1642529170
იმუნიზაციის მრჩეველთა ეროვნულ ტექნიკური ჯგუფის ხელმძღვანელის ივანე ჩხაიძის თქმით, იანვრის ბოლოს და თებერვლის დასაწყისში საქართველოს პანდემიის ისტორიაში პიკი იქნება.
1642508109
„დაახლოებით 3-ჯერ მცირდება იმ ადამიანებში გადადების რისკები, ვინც არიან სრულფასოვნად ვაქცინირებულები“, - ამის შესახებ „რუსთავი 2“-ის ეთერში ინფექციური საავადმყოფოს ინფექციონისტმა ალექსანდრე გოგინავამ განაცხადა. 
1642506217
მაია ბუწაშვილი ინფექციონისტი

როდის უნდა მიიღოს კოვიდინფიცირებულმა ანტიბიოტიკი? - ბუწაშვილის განმარტ...

ინფექციონისტმა მაია ბუწაშვილმა „იმედის“ ეთერში, იმის შესახებ ისაუბრა თუ როდის უნდა მიიღოს კოვიდინფიცირებულმა ანტიბიოტიკი.
1642499801
ევროპარლამენტმა პრეზიდენტად რობერტა მეცოლა აირჩია
სტრასბურგში გამართულ ზამთრის პლენარულ სესიაზე ევროპარლამენტმა პრეზიდენტად, 458 ხმით, მალტელი პოლიტიკოსი, რობერტა მეცოლა აირჩია.
ამ პიროვნებას არაფერი სმენია სულხან მოლაშვილზე, წინააღმდეგ შემთხვევაში...
ახალგაზრდა „ენ-ჯე-ო-შნიკმა“ გიორგი მშვენიერაძემ თეორიულადაც არ იცის, რას ნიშნავს პენიტენციურ სისტემაში „არაადამიანური და ღირსებაშემლახავი მოპყრობა“, რაც ქვეყნის უახლოეს სამარცხვინო წარსულს უკავშირდება“, - ასე ეხმიანება ექსპერტი დავით ქართველიშვილი სააკაშვილის ადვოკატის გიორგი მშვენიერაძის განცხადებას, რომლის თქმით, ისეთ საქმეებზე, როგორიც არის მოლაშვილის საქმე, ევროსასამართლომ სტანდარტად დაადგინა, რომ პირს, რომელიც იმყოფება თავისუფლების აღკვეთის დაწესებულებაში, უნდა ჰქონდეს სრული წვდომა სამედიცინო სერვისებზე, რაც დღეს შეზღუდული აქვს სააკაშვილს.
შალვა პაპუაშვილი რობერტა მეტსოლას ევროპარლამენტის პრეზიდენტად არჩევას...
საქართველოს პარლამენტის თავმჯდომარე შალვა პაპუაშვილი რობერტა მეტსოლას ევროპარლამენტის პრეზიდენტად არჩევას „ტვიტერზე“ ეხმაურება.