ნავთობი იაფდება – ბარელი Brent $25 ღირს

ლონდონის ბირჟის მონაცემებით, ორშაბათის ვაჭრობაზე Brent-ის მარკის ნავთობის ფასი $25–ს ჩამოსცდა.

აღნიშნული მარკის ნავთობის მაისის კონტრაქტების ღირებულება ბარელზე თავდაპირველად $26,75–დან $24,68–მდე დავარდა. ხოლო მოგვიანებით პოზიციები აღიდგინა და ამ მომენტისთვის $25,82 ღირს.

ამდენად, ნავთობის ფასი ბოლო 17 წლის მინიმუმზეა.

Bloomberg-ის ცნობით, ნავთობის ასეთი მკვეცთრი ვარდნა იმ გარემოებამ განაპირობა, რომ OPEC-სა და ამერიკელ ნავთობმწარმოებლებს შორის „შავი ოქროს“ მოპოვების შემცირებაზე შეთანხმების მიღწევა ბუნდოვანი გახდა.