„აშშ-მა და ევროპის ქვეყნებმა უკრაინას ჩვენთან მოლაპარაკება აუკრძალეს“ - ლავროვი

რუსეთის საგარეო საქმეთა მინისტრი სერგეი ლავროვი აცხადებს, რომ მოსკოვს კიევთან მოლაპარაკებებზე უარი არასდროს უთქვამს. 

მისივე თქმით, უკრაინას რუსეთთან მოლაპარაკებებს დასავლეთი „უკრძალავს“. 

„ჩვენ არასოდეს გვითქვამს უარი მოლაპარაკებებზე, რადგან ყველამ იცის, რომ ნებისმიერი საომარი მოქმედებები მოლაპარაკების მაგიდაზე მთავრდება.

როდესაც უკრაინულმა მხარემ შემოგვთავაზა მოლაპარაკება ჩვენი სამხედრო ოპერაციის საწყის ეტაპზე, ჩვენ შევთანხმდით, ჩატარდა რამდენიმე რაუნდი, რასაც მოჰყვა ძალიან საინტერესო ეტაპი, როდესაც უკრაინულმა მხარემ შემოგვთავაზა ხელშეკრულების ვერსია, რომელსაც ჩვენ მხარი დავუჭირეთ, კიეველ კოლეგებს ამის შესახებ შევატყობინეთ, მაგრამ მას შემდეგ მათგან არანაირი პასუხი არ მიგვიღია, თუმცა, კიდევ ერთხელ ხაზგასმით აღვნიშნავ, რომ ჩვენ ფაქტობრივად დავეთანხმეთ მათ მიდგომას.

ჩვენ ვიცით, რომ ჩვენმა კოლეგებმა, როგორიცაა შეერთებული შტატები, დიდი ბრიტანეთი და ევროპის რამდენიმე ქვეყანა, უკრაინელებს ჩვენთან მოლაპარაკება აუკრძალეს. 

რამდენიმე დღის წინ მიცემულ ინტერვიუში ვთქვი, რომ რუსეთი უკრაინასთან მოლაპარაკებების მიმართ უარყოფითად განწყობილი არ არის. რამდენიმე საათიც არ იყო გასული, აშშ-ის სახელმწიფო დეპარტამენტის სპიკერმა [ნედ პრაისმა] განაცხადა, რომ შეერთებული შტატების აზრით, ახლა ამის დრო არ არის. დასკვნები თავად გამოიტანეთ, ჰკითხეთ თქვენს ამერიკელ კოლეგებს, რა არის მიზეზი“, - განაცხადა ლავროვმა. 

აგრეთვე დაგაინტერესებთ: 

➖  რომის პაპის ისტორიული ბოდიში - პაპი ფრანცისკე პატიებას სთხოვს ყველას, ვისაც კათოლიკური ეკლესიის სისტემა ძალადობრივად შეეხო

➖ პითონმა ბოამ თავისი პატრონი, ახალგაზრდა კაცი დაახრჩო - შემთხვევა პენსილვანიაში

➖ კოვიდინფიცირებული ჯო ბაიდენის ჯანმრთელობის შესახებ ექიმი განცხადებას აკეთებს

➖ „ვერ გადავრჩები“ - რუსი ოპოზიციონერი ლეონიდ გოზმანი დააკავეს

➖ შეიარაღებულმა პირმა ორი ადამიანი მოკლა, ლიკვიდირებულია თავდამსხმელიც - შემთხვევა კანადაში