კონფლიქტები

აზერბაიჯანმა სომხეთს 44 ტყვე გადასცა

აზერბაიჯანმა სომხეთს 44 ტყვე გადასცა
1608024873
დაკოპირებულია

სომხეთში 44 ტყვე დაბრუნდა, რომლებიც სომხურ მხარეს აზერბაიჯანმა გადასცა. ამის შესახებ „ეხო კავკაზა“ იუწყება. 

„რუსული სამშვიდობო ძალების შუამავლობით სამხედრო ტყვეთა გაცვლა შედგა. აზერბაიჯანიდან სომხეთში 44 ჩვენი თანამემამულე დაბრუნდა“ - დაწერა „ფეისბუქში“ სომხეთის ვიცე-პრემიერმა ტიგრან ავინიანმა. მისივე ინფორმაციით, ეს პროცესი გრძელდება.

როგორც მთიან ყარაბაღში რუსული სამშვიდობო ძალების სარდალმა გენერალ-ლეიტენანტმა რუსტამ მურადოვმა განაცხადა, სომხეთმა აზერბაიჯანს 12 ტყვე გადასცა. ტყვეთა გაცვლის პროცესი პრინციპით „ყველა ყველაზე“ 14 აგვისტოს დაიწყო.

მთიან ყარაბაღში საბრძოლო მოქმედებები 27 სექტემბრიდან 10 ნოემბრამდე მიმდინარეობდა. 44-დღიანი კონფლიქტი ცეცხლის შეწყვეტის შეთანხმებით დასრულდა, რომელსაც აზერბაიჯანის, სომხეთის და რუსეთის ლიდერებმა მოაწერეს ხელი.

იხილეთ აგრეთვე:

🔅 აზერბაიჯანში სამხედროები დააკავეს, რომლებიც სომხების სასაფლაოებს ანადგურებდნენ

🔅 აზერბაიჯანელ და სომეხ სამხედროებს შორის მთიან ყარაბაღში დაპირისპირება მოხდა