კონფლიქტები

„პუტინმა შესაძლოა, ომი დაიწყოს ლიეტუვასთან, რათა აიღოს კონტროლი სუვალკის დერეფანზე“ - სამხედრო ექსპერტი

რუსეთის პრეზიდენტი ვლადიმერ პუტინი
1655996544
დაკოპირებულია

რუსეთის პრეზიდენტმა ვლადიმერ პუტინმა შესაძლოა, ომი დაიწყოს ლიეტუვასთან, რათა აიღოს კონტროლი სუვალკის დერეფანზე, რომელიც გზას გაუხსნის კალინინგრადისკენ. მისმა ქმედებებმა შესაძლოა ნატოს დაშლა გამოიწვიოს. ამის შესახებ FREEDOM-ის ეთერში სამხედრო ექსპერტმა მიხაილ სამუსმა განაცხადა.

მისი თქმით, ჩრდილოატლანტიკური ალიანსის წევრ ქვეყანაზე თავდასხმა და ტერიტორიის შემდგომი მიტაცება იქნება სიგნალი ნატოსთვის კოლექტიური თავდაცვის მეხუთე მუხლის განსახორციელებლად.

როგორც სამუსმა აღნიშნა, ეს შესაძლებელია მხოლოდ ალიანსის ყველა წევრის მხარდაჭერით. უკრაინის ომმა აჩვენა, რომ ყველა ქვეყანა არ არის მზად რუსეთთან პირდაპირი დაპირისპირებისთვის, რაც გამოიწვევს მეხუთე მუხლის დაბლოკვას.

„პუტინმა იცის, რომ არის ქვეყნები, როგორიცაა გერმანია ან უნგრეთი, შესაძლოა საფრანგეთი, რომლებსაც არ სურთ რუსეთთან პირდაპირი ომი. მათ ესმით, რომ ამისთვის მზად არ არიან“, - განმარტა ექსპერტმა.

სამუსმა დასძინა, რომ 2017 წლიდან რუსეთი და ბელორუსია წვრთნების დროს სუვალკის დერეფნის შესაძლო აღებას ახორციელებენ.

ასევე დაგაინტერესებთ:

👉 „ახლა რუსეთი უკრაინის შავ ზღვაში გაზის წარმოებას ვეღარ შეძლებს“ - უკრაინელებმა რუსეთის მიერ მითვისებული „ჩერნომორნეფტეგაზას“ საბურღი პლატფორმა დაბომბეს

👉 ქართველმა ხალხმა ბევრი შესწირა ევროპული იდენტობისთვის, მოვუწოდებთ ევროპელ მეგობრებს, სამივე ქვეყანას მიანიჭონ კანდიდატის სტატუსი - აშშ-ის ჰელსინკის კომისია

👉 „მმართველ პარტიას არ შეუძლია სასწაულების მოხდენა, თუ პარლამენტში არ არსებობს რეალური თანამშრომლობის სურვილი“ - მარია კალიურანდი

👉 რუსული ჯარები 5 კილომეტრით დაწინაურდნენ ლისიჩანსკისკენ - ბრიტანული დაზვერვა