რა განსაზღვრავს დონბასისთვის ბრძოლის ბედს - სამხედრო ექსპერტის განმარტება
1652820575
ისრაელის თავდაცვის ძალების ოფიცერი, სამხედრო ექსპერტი იგალ ლევინი აცხადებს, რომ რუსეთ-უკრაინას შორის დონბასისთვის ბრძოლის ბედს ხარკოვის ოლქის ქალაქ ვოლჩანსკიზე კონტროლის აღება გადაწყვეტს.
„ვოლჩანსკი არის ერთ-ერთი პუნქტი, რომელსაც რუსეთი ლოგისტიკურ ხაზად იყენებს და რომლის საშუალებითაც აღმოსავლეთ უკრაინის ნაწილებში წინ მიიწევენ.
რუსებს აქვთ მხოლოდ ორი ლოგისტიკური ხაზი. თუ მათ უკრაინელები გააკონტროლებენ, ფაქტობრივად ისინი წინასწარ განსაზღვრავენ დონბასისთვის ბრძოლის ბედს, რადგან მტერს იმის საშუალება აღარ ექნება, რომ აღჭურვილობა, მარაგი და ადამიანური რესურსი ფრონტის ხაზებზე გაგზავნოს“, - განაცხადა ლევინმა.
შეგახსენებთ, კიევის აღების წარუმატებელი მცდელობის შემდეგ რუსეთის პრეზიდენტმა ვლადიმერ პუტინმა თავის ახალ მიზნად დონბასის „გათავისუფლება“ დაისახა.
აგრეთვე წაიკითხეთ:
👉რუსული ჯარი აქტიურად უტევს ლუგანსკის ოლქს - სამხედრო ექსპერტი
👉„ჯერ დასასრული არ ჩანს“ - შოლცი უკრაინის წინააღმდეგ რუსეთის ომის შესახებ
👉რუსულმა ძალებმა სევეროდონეცკის მიმართულებით უკან დაიხიეს - უკრაინის გენშტაბი
