„რუსებს არა მოლაპარაკებები, არამედ სისხლი სურთ“ - დმიტრო კულება

„რუსებს არა მოლაპარაკებები, არამედ სისხლი სურთ“, - ამის შესახებ უკრაინის საგარეო საქმეთა მინისტრი დმიტრო კულება „ტვიტერზე“ წერს. 

უკრაინის საგარეო საქმეთა მინისტრმა დმიტრო კულებამ რუსეთის საგარეო უწყების ხელმძღვანელის სერგეი ლავროვის განცხადების შემდეგ, უკრაინის ომის „გეოგრაფიული მიზნების“ შეცვლის შესახებ, მოუწოდა მსოფლიოს, გააძლიეროს სანქციები რუსეთის ფედერაციის წინააღმდეგ და დააჩქაროს კიევისთვის იარაღის მიწოდება.

სერგეი ლავრომა განაცხადა, რომ ომის „გეოგრაფიული ამოცანები“ შეიცვალა უკრაინისთვის დასავლური შეიარაღების მიწოდების მიზეზით და ახალი ტერიტორიების დაპყრობით დაიმუქრა იმ შემთხვევაში, თუ უკრაინა შორი მანძილის იარაღებს მიიღებს.

„რუსეთის საგარეო საქმეთა მინისტრის აღიარება უკრაინული მიწების მიტაცების ოცნების შესახებ, ადასტურებს, რომ რუსეთი უარყოფს დიპლომატიას და ორიენტირებულია ომსა და ტერორზე. რუსებს სისხლი უნდათ და არა მოლაპარაკებები. მოვუწოდებ ყველა პარტნიორს, გააძლიერონ სანქციები რუსეთის ფედერაციის წინააღმდეგ და დააჩქარონ უკრაინისთვის იარაღის მიწოდება“, - წერს კულება.

By confessing dreams to grab more Ukrainian land, Russian Foreign Minister proves that Russia rejects diplomacy and focuses on war and terror. Russians want blood, not talks. I call on all partners to step up sanctions pressure on Russia and speed up arms deliveries to Ukraine.

— Dmytro Kuleba (@DmytroKuleba) July 20, 2022

აგრეთვე წაიკითხეთ:

👉 „მსოფლიოში ახალი დღის წესრიგი, ახალი ეპოქა იწყება“ - პუტინი

👉 „რუსეთი ახლა ათამაშებს სცენარს, რომელსაც შეიძლება დავარქვათ „ანექსიის თამაში“ - ჯონ კირბი

👉 შოიგუმ რუს სამხედროებს უკრაინული უპილოტო საფრენი აპარატების „სწრაფად განადგურება“ დაავალა

👉 პუტინი ფიქრობს, რომ გაიმარჯვებს, მას 3 მკაფიო გეგმა აქვს - NYT

👉რუსეთის დამარცხება უდავოდ შეიძლება, იარაღი გვჭირდება - ალექსეი რეზნიკოვი