რუსებს ეწურებათ მაღალი სიზუსტის რაკეტები - ექსპერტი
1653228917
რუსმა დამპყრობლებმა გააძლიერეს სარაკეტო დარტყმები, მაგრამ დაიწყეს მოძველებული რაკეტების გამოყენება. ეს იმაზე მეტყველებს, რომ დამპყრობლებს ეწურებათ მაღალი სიზუსტის რაკეტები, - ამის შესახებ სამხედრო ექსპერტმა ვლადისლავ სელეზნევმა განაცხადა.
ექსპერტმა აღნიშნა, რომ ზოგიერთი რუსული სარაკეტო დარტყმა მიუთითებს იმაზე, რომ მაღალი სიზუსტის რაკეტები თითქმის ამოწურულია.
„რუსები მოძველებული რაკეტებით ურტყამენ რეკრეაციულ კომპლექსს. ეს იმაზე მეტყველებს, რომ რუსებს უმთავრდებათ მაღალი სიზუსტის რაკეტები ან არ აქვთ საკმარისი რაოდენობა“, - განაცხადა სელეზნევმა.
ექსპერტის თქმით, რუსები იძულებულნი არიან გამოიყენონ X-22 კლასის რაკეტები, რომლებსაც უზარმაზარი დესტრუქციული ძალა აქვთ, მაგრამ ზუსტი დარტყმა ვერ ხორციელდება. ნაკლებად სავარაუდოა, რომ ეს რაკეტები გაუმკლავდნენ რუსეთის ფედერაციის მთავარ ამოცანას - ინფრასტრუქტურის განადგურებას.
„ჩვენ გვესმის, რატომ ურტყამს რუსები სარკინიგზო კვანძებს, ხიდებს, გვირაბებს - იმისათვის, რომ უკრაინის ჯარების ლოგისტიკას მაქსიმალური პრობლემები შეუქმნან“ - დასძინა ექსპერტმა.
აგრეთვე წაიკითხეთ:
👉 პუტინი გაბრაზებულია თავის გენერლებზე და ათავისუფლებს მათ თანამდებობიდან - ექსპერტი
👉 უკრაინაში შეჭრის შედეგებს რუსების კიდევ სამი-ოთხი თაობა იგრძნობს - ექსპერტი
👉 რუსული ჯარები იზიუმის რეგიონში შეტევის განახლებისთვის ემზადებიან
