რუსეთი, შესაძლოა, რაკეტებისა და დრონების გამოყენებით მორიგ დიდ შეტევას ამზადებდეს, - ამის შესახებ სამხრეთ უკრაინის თავდაცვის ძალების ერთობლივი საკოორდინაციო პრესცენტრის ხელმძღვანელმა ნატალია გუმენიუკმა განაცხადა.
„შესაძლოა, ოკუპანტი კიდევ ერთხელ ამზადებდეს მზაკვრულ შეტევას სხვადასხვა საბრძოლო მასალის გამოყენებით, მათ შორის უპილოტო საფრენი აპარატებითა და რაკეტებით“, - აცხადებს ნატალია გუმენიუკი.
მისი თქმით, არსებობს შესაძლებლობა, რომ ახლა შეუტიონ არა ჰაერიდან, არამედ ზღვიდან.