რუსეთი უკრაინაში საბრძოლველად უზბეკეთის, ტაჯიკეთისა და ყირგიზეთის მოქალაქეების მიზიდვას ცდილობს, - ამის შესახებ უკრაინის თავდაცვის სამინისტროს სადაზვერვო დეპარტამენტი იუწყება.
უკრაინის დაზვერვის წარმომადგენლები აცხადებენ, რომ რუსეთის სარდლობა ცდილობს სულ უფრო მეტად მიიზიდოს უცხოელები რუსეთის შეიარაღებულ ძალებში, რადგან რუსეთის მოქალაქეების რიცხვი, რომელთაც უკრაინაში ბრძოლა სურთ, მცირდება.
„მოსკოვის ოლქში სამხედრო კომისარიატებისა და პოლიციის განყოფილებების თანამშრომლებს უზბეკეთის, ტაჯიკეთისა და ყირგიზეთის მოქალაქეებთან „კამპანიის ჩატარება“ დაევალათ.
ფინანსური წახალისების გარდა, მათ, ვინც ხელშეკრულების გაფორმებაზე დათანხმდება და უკრაინაში საბრძოლველად წავა, რუსეთის მოქალაქეობის მიღებას სთავაზობენ“, - აღნიშნულია განცხადებაში.
ასევე დაგაინტერესებთ:
👉 შეერთებული შტატები „მსოფლიო სასურსათო პროგრამისთვის“ უკრაინულ ხორბალს შეისყიდის