რუსეთის თავდაცვის სამინისტროს განცხადებით, ზაპოროჟიეს ატომური ელექტროსადგური შესაძლოა, გააჩერონ. ამის შესახებ გენერალ ლეიტენანტმა იგორ კირილოვმა განაცხადა.
როგორც კირილოვმა განმარტა, იმ შემთხვევაში თუ უკრაინელები გააგრძელებენ ატომური ობიექტის მისამართით სროლას, შესაძლოა, მისი უსაფრთხოების დაცვის მიზნით ატომური სადგური გააჩერონ.
„გვინდა გავამახვილოთ თქვენი ყურადღება იმაზე, რომ თუ უკრაინის მიერ ატომური ელექტროსადგურის დაბომბვასთან დაკავშირებული სიტუაციის ნეგატიური განვითარება გაგრძელდება, შესაძლოა, დადგეს მე-5 და მე-6 ენერგობლოკების „ცივ რეზერვში“ მოქცევის საკითხი. რაც გამოიწვევს ზაპოროჟიეს ატომური ელექტროსადგურის გათიშვას“, - განაცხადა კირილოვმა გამართულ ბრიფინგზე.
ასევე დაგაინტერესებთ:
👉 რუსეთის მთავარი საბრძოლო ტანკების დიდი ნაწილი მწყობრიდან გამოდის - ბრიტანული დაზვერვა